Mateu 14:2 - MUKANDA USANDU WA ZAMBI 1975

² wambile kuli akweze jenyi ngwenyi, Yono Yoano Chipapachisa; hahinduka mukachi ka afu; kashika yipupu kuyakulinga muli iye.

Mukanda Wa Zambi 1970

² Neye yambila tuvumbi twenyi ngwenyi: “Awu mwe Yoano Chipapachisa. Hahinduka ku kufwa, kashika kali ni chiyulo cha kulinga yilayi.”

Mateu 14:2 Iomraidhean Croise

Mateu 11:11

Pundu ngunambe kuli yenu ngwami, Hakachi ka waze akusemuka kuli mapwo, kakatukile umwe munene Wahiana Yoano Chipapachisa: alioze yoze mukepe Wahiana eswe mu wanangana wa malilu kanapu munene kuhiana iye.

Mateu 16:14

Ambile ngwo, Amwe ngwo, Yoano Chipapachisa; akwo ngwo, Eliya; ni akwo ngwo, Jeremia, hanji umwe wa kuli aprofeta.

Mateu 3:1

Ha matangwa aze Yoano Chipapachisa wasolokele nikwambujola mu puya ya Yundeya,

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Marku 8:28

Amwambulwilile ngwo, Yoano Chipapachisa; akwo ngwo, Eliya; alioze akwo ngwo, Umwe wa kuli aprofeta.

Luka 9:7

Achi, nguvulu Heronde wevwile ha yuma yize yeswe alingile, iye wakakashanyine chikolo, mumu achambile kuli amwe ngwo, Yoano hanahinduka hakachi ka afu;

Yoano 10:41

Anji ejile kuli iye; ambile ngwo, Yoano, chamwenemwene, kalingile chilayi nichimwe; alioze yuma yize yeswe ahanjikile Yoano ha kutwala kuli yono mutu yapwile yamwenemwene.