Mateu 13:54 - MUKANDA USANDU WA ZAMBI 1975

⁵⁴ Ha kuheta ku chijima chenyi mwene, walongesele mu sunangonga yo, chocho alishimwokene, ngwo, Kulihi yono hanatambula mana ano ni yipupu yino?

Mukanda Wa Zambi 1970

⁵⁴ yahiluka ku limbo kuze akolelele, yabutuka kulongesa mu zuwo lio lia kuwayila. Atu eswe yaalishimwoka kuhiana, yaahula ngwo: “Kulihi yono awana mana wano? Ngwe kuchi anahase kulinga yikomokeso yino?

Mateu 13:54 Iomraidhean Croise

Miaso (Masamu) 22:22

Mungwambujola jina lie kuli mandumbu jami. Hakachi ka chikungulwila mungukuhalisa.

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 7:28

Muze te Yesu hamanununa maliji ano, mbunga alishimwokene ha longeso lienyi.

Luka 2:47

Ni waze eswe amuvwile, alishikishilile ha malinjekela jenyi ni makumbululo jenyi.

Yoano 1:11

Wejile ku yuma yenyi mwene, ni atu jenyi mwene kamutambwileko;

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

1 Samuel 10:11

Mba waze eswe amunyingikine kushi, amumwene nikuprofeteza hakachi ka aprofeta ambile umwe kuli mukwo ni mukwo ngwo, Chino hichawana mwana wa Kishi chuma chika? Kumanyi Saulu nawa hapwa hakachi ka aprofeta, nyi?