Mateu 13:5 - MUKANDA USANDU WA ZAMBI 1975

⁵ yikwo yaholokelele ha mawe, haze kuhapwile mavu anji, mba haze hene yasokele, mumu kuyapwile ni ndama ya mavu.

Mukanda Wa Zambi 1970

⁵ Yikwo yiiholokela homa ha mawe, haze kuhabwile ko mavu anji. Mbuto yiisoka nikawashi, mumu te kuheshi ndama ya mavu.

Mateu 13:5 Iomraidhean Croise

Ezekiel 11:19

Mba mungukaaha mbunge yaha; mungukasa Spiritu yaha muli ayo. Mungukachiza ku musunya wo mbunge jo ja mawe, mungukaaha mbunge ja musunya,

Ezekiel 36:26

Mungukanwaha mbunge yaha; mungukasa Spiritu yaha muli yenu. Mungukachiza mu mijimba yenu mbunge jize ja mawe; mungukanwaha mbunge ja musunya.

Amose 6:12

Tuvwalu kakuzomboka ha yimawe? Kakuchipa kalunga-lwiji ni ngombe? Alioze enu hinwalumuna upatwilo wa kulita mu utende; ni mihuko ya ululi hinwayalumuna musase.

Zakaria 7:12

Yapwisa mbunge jo jikalu ngwe diamante kuchina mevwa shimbi ni maliji aze Yehova-wa-Tujita watumine ni Spiritu yenyi kuli aprofeta a kushi. Kashika ufwatulo unene wejile wa kuli Yehova-wa-Tujita.

Mateu 13:20

Alioze yize mavikuwa ha mawe, iye yoze mevwa liji, mba haze hene malitambula ni uwahililo.

Mateu 13:4

shimbu akuwile, yimwe yaholokelele ku sesa lia jila, ni tujila ejile, ayitakishile:

Mateu 13:6

Muze tangwa liavumbukile yapapiwile; mba se kuyapwile ni miji, yomine.

Marku 4:16

Waze chizechene maakuwa homa ha mawe, waze, muze te hevwa lie liji, haze hene malitambula ni uwahililo.

Marku 4:5

Yikwo yaholokelele homa ha mawe, haze kuyapwile ni mavu anji; ni haze hene yasokele, mumu kuyapwile ni ndama ya mavu: