Mateu 13:45 - MUKANDA USANDU WA ZAMBI 1975

⁴⁵ Cheka nawa, wanangana wa malilu walifwa ngwe mukwa chitanda kanafupu kakanga mupema.

Mukanda Wa Zambi 1970

⁴⁵ “Nawa, Wanangana wa mwilu walifwa ngwe mukwa kulanjisa yoze unafupu kakanga wa ndando yinji.

Mateu 13:45 Iomraidhean Croise

Jobe 28:18

Chipwe kutongola korale hanji kakanga; ndando ya mana yahiana rubi

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Longeshi 12:8

Chamokomoko pundu pundu! Chilumbununyi kanambe ngwenyi, Yeswe yapwa yamokomoko!

Mateu 13:24

Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mateu 13:46

Neye ha kuwana kakanga umuwika mulemu chikolo, wayile walanjishile cheswe apwile nacho, wamulanjile.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 22:5

Alioze achilelesele, ayile mu majila jo, umwe ku munda wenyi, ni mukwo ku chitanda chenyi;

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.