Mateu 13:44 - MUKANDA USANDU WA ZAMBI 1975

⁴⁴ Cheka nawa, wanangana wa maliluwalifwa ngwe upite wa kuhengeka mu munda; uze awanyine mutu, auswekele; ni ha kuwaha chenyi maya, malanjisa chize cheswe ali nacho, malanda munda uze.

Mukanda Wa Zambi 1970

⁴⁴ “Wanangana wa mwilu walifwa nawa ngwe ubite uze wakuhengeka mu munda. Mutu yawana ubite uze, yausweka, yawahilila, yaya ni kulanjisa yeswe yize abwile nayo, yahiluka, yalanda munda uze.”

Mateu 13:44 Iomraidhean Croise

Jobe 28:13

Mutu kanyingikine jila ya kuhetako; kechi kaawana mu yifuchi ya akwa mwono.

Yishima 16:16

Kuzuka mana chawaha kuhiana oru. Ewa kutongola malinjekela chawaha kuhiana prata.

Yishima 17:16

Ha chikuma chika mu kwoko lia chihepuke muli ndando ya kulanda mana, se keshi mbunge?

Yishima 18:1

Yoze malihandununa kanafupu upale wenyi mwene; kakulitachika ni mana eswe angunu.

Yishima 23:23

Landa umwenemwene, kanda uulanjisa; chipwe mana, ni lufumbo, ni malinjekela.

Izaya 55:1

Mweswawo uli ni pwilé! Eze ku meya. Yoze keshi mbongo, tweya ulande ukalie! Tweya ulande vinyu ni yamwa ni mbongo ka, ni ndando ka.

Mateu 13:24

Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mateu 13:46

Neye ha kuwana kakanga umuwika mulemu chikolo, wayile walanjishile cheswe apwile nacho, wamulanjile.

Mateu 13:47

Cheka nawa, wanangana wa malilu walifwa ngwe wanda, uze atelele mu Chitende, wakungile yishi a ku milali yeswe:

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Mateu 19:27

Hohene Petulu wamukumbulwile, ngwenyi, Mba ni yetu hitunahichika yuma yeswe, kukaula; yika, kevwe, mutukapwa nayo?

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Mateu 6:21

Mumu muze upite we uli, muze mwene muyipwa mbunge ye nawa.

Luka 14:33

Chocho kevwe mweswawo wa kuli yenu keshi kwehuka yize yeswe ali nayo, kahashile kupwa kambaji kami.

Yoano 6:35

Yesu wambile kuli ayo ngwenyi, Mbolo ya mwono yami; yoze meza kuli yami kechi kevwa zala nichimwe, ni yoze mangufuliela yami kechi kevwa pwila nichimwe ha mwaka niumwe.

A-ROMA 15:4

Mumu yuma yeswayo yasonewene kunyima, yasonewene mukutulongesa, hanga ku uhumikizo ni kulembejeka cha yisoneko tukapwe ni kutalatala.

Kolosu 2:3

yoze muli iye upite weswe wa mana ni yinyingi kuwahengama.

Kolosu 3:16

Liji lia Kristu Ukatwame muli yenu lia kulumbama ni mana eswe; nikulilongesa nikulikanyamisa umwe ni mukwo, ni masamu ni miaso ni mimbo ya uspiritu, imbenu ni vumbi mu mbunge jenu kuli Zambi.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.