Mateu 13:43 - MUKANDA USANDU WA ZAMBI 1975

⁴³ Hohene akwa ululi kumakatemuka ngwe tangwa mu wanangana wa Tato. Yoze uli ni matwi a kwivwa, evwe.

Mukanda Wa Zambi 1970

⁴³ Hohene akwa ululi maakatemuka ngwe tangwa mu Wanangana wa Tato. Banjikenu kanawa nyi nuli ni matwi.”

Mateu 13:43 Iomraidhean Croise

Kutuhuka 34:35

A-Izalele amwene meso ja Mose ngwo, Chikowa cha ku meso ja Mose chinatemuka, mba Mose yalifuka ni wanda nawa ndo anjilile mukuhanjika nenyi.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Mateu 11:15

Yoze uli ni matwi a kwivwa, evwe.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 25:36

napwile ni uvu, mba nwangujikile; nayijile, mba nwangunangishine; napwile mu zuwo lia ususu, mba nwejile kuli yami.

Mateu 26:29

Alioze ngunambe kuli yenu ngwami, Chichi kanwa nichimwe ku yino mihuko ya vindera, chize ku haliapwila ndo ku tangwa lize muze munguyinwa chaha hamwe ni yenu mu wanangana wa Tata.

Marku 4:23

Kachi umwe uli ni matwi a kwivwa, evwe.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Luka 22:29

ngunannsela wanangana, chizechene ngwe Tata wanguselelewo.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?