Mateu 13:42 - MUKANDA USANDU WA ZAMBI 1975

⁴² Makayimbila mu lutengo wa kahia: kumukukapwa malilo ni kulikopola ku mazo.

Mukanda Wa Zambi 1970

⁴² Maakambila mu jiko lia kahia. Kwenako atu maakalila ni kulicheka ku mazo.

Mateu 13:42 Iomraidhean Croise

2 Samuel 23:7

Mutu yoze maakwata, ndo malipakata ni yikungo ni chikundo cha kunga. O eswe kumakaocha ni kahia pwilili kuma kwo.

Miaso (Masamu) 21:9

Kumukaapwisa ngwe lutengo wa kahia ha tangwa lia utenu we; Yehova kumakaazemwina mu ufwatulo wenyi, kahia mukakaalesa.

Daniel 3:6

Mweswawo kafulamanyine ni kuwayila, mamunyasa haze hene mu lutengo wa kahia ka kulengenya.

Mateu 13:50

O kumakaambila mu lutengo wa kahia: kumukukapwa malilo ni kulikopola ku mazo.

Mateu 22:13

Hohene mwanangana wambile kuli tuvumbi ngwenyi, Mukasenu molu ni moko, numumbile mu milima ya haze; kumukukapwa malilo ni kulikopola ku mazo.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Mateu 8:12

Alioze kumakambila akwa wanangana mu milima ya haze: kumukukapwa malilo ni kulikopola ku mazo.

Luka 13:28

Kumukukapwa malilo ni kulikopola ku mazo, muze munumona Apalahama ni Izake ni Yakomba ni aprofeta eswe mu wanangana wa Zambi, ni yenwene manumbila haze.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.

Usolwelo 20:10

Ni Ndiapu yoze waapiangwile amunyashine mu Chitende cha kahia ni fundanga, muze ali nawa ngongo ni profeta wa kwonga; kumakaamwesa lamba mwalwa ni ufuku ndo ku miaka yeswe ya mutolo.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 9:2

Iye wázulwile jondo: mwandukile mwishi mu jondo ngwe mwishi wa ku lutengo munene; ni tangwa ni mu tetela yalayile ni mwishi wa mu wina.