Mateu 13:39 - MUKANDA USANDU WA ZAMBI 1975

³⁹ Mukwa kole yoze waukuwile iye Ndiapu: kucha che kumanunuka cha mwaka; ni akwa kucha e angelo.

Mukanda Wa Zambi 1970

³⁹ Mukwa kole yoze watumbile mwambu wamokomoko, mwe Sakwonga. Kubatula cha tiriku, che kumanunuka cha mwaka. Akwa kubatula tiriku, e tunganda a mwilu.

Mateu 13:39 Iomraidhean Croise

Daniel 7:10

Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Joele 3:13

Senu kwengo mumu mbuto hiyahia. Tweyenu, nuliate mumu ukamino wa uva hiwazala, yikwachilo yinasupwoka, mumu ungulungulu wo woka.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.

Mateu 13:28

Iye wambile kuli ayo ngwenyi, Mukwa kole hanalingi chino. Ndungo ambile kuli iye ngwo, Unazange tuye, tukaukungike, nyi?

Mateu 13:40

Kashika ngwe makungika mwambu wamokomoko akawoche ni kahia; chocho kumuchikapwa ha kumanunuka cha mwaka.

Mateu 13:49

Chocho kumuchikapwa ha kumanunuka cha mwaka; angelo kumakatuhuka akahandunune yingulungulu hakachi ka akwa ululi.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

1 Korintu 10:11

Achi, yino yuma yaawanyine ngwe yilweza; yasonewene mukutukanyamisa, yetu, masongo ja miaka hanatuhete.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 9:26

Nyi chocho, chamutamba kwivwa lamba kanji kanji chize ku kusela cha fundamentu ya hashi: aiioze haliapwila kamuwika ha kumanunuka cha miaka hanamusolola hanga akachize shili ha kulihana chitapo iye mwene.

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

Yuda 1:14

Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.