Mateu 13:30 - MUKANDA USANDU WA ZAMBI 1975

³⁰ Echenu yeswe yiali yitatuke hamuwika ndo ku kucha: ha mwaka wa kucha mungukamba kuli akwa kucha ngwami, Kungikenu hatangu mwambu wamokomoko, nukaukase yichita mukuyocha; alioze nukakungile tiliku mu machila jami.

Mukanda Wa Zambi 1970

³⁰ Yechenu yitatuke hamuwika ndoo ha tangwa lia kubatula. Ha tangwa lize mungukambila akwa kubatula ngwami tukulenu hatangu mwambu wamokomoko, yikasenu yichita nukayoche, mba kungilenu tiriku mu machila jami.’ ”

Mateu 13:30 Iomraidhean Croise

2 Samuel 23:7

Mutu yoze maakwata, ndo malipakata ni yikungo ni chikundo cha kunga. O eswe kumakaocha ni kahia pwilili kuma kwo.

Jobe 39:12

Unamufuliela te mahiluka nikukunehena mbuto ye ku chizungwilo?

Izaya 17:5

Kumuchikapwa ngwe muze mukwa kucha macha mbuto, ni kwoko lienyi mulikacha mitwe, ngwe muze umwe mahulula mitwe ya mbuto mu chikulo cha Refane.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.

Mateu 13:29

Alioze wambile ngwenyi, Ka, kuchina hanji muze munukungika mwambu wamokomoko munutukula tiliku kumuwika.

Mateu 25:32

mavungu eswe makakunguluka kumeso jenyi: iye makaahandununa umwe kuli mukwo, chizechene ngwe kafunga mahandununa mapanga kuli pembe.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Luka 3:17

Chifujilo chenyi mu kwoko lienyi chili, kumakapemesa liakulu chizungwilo chenyi; iye kumakakungika tiliku mu chila yenyi; alioze yizungu kumakayocha ni kahia kaze kukeshi kuhasa kujima.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

1 Timoteu 5:24

Milonga ya atu amwe yinasoloka liakulu, nikutetekela ku upatwilo; ni yize ya atu amwe yinakaula kunyima.

1 Samuel 25:29

Nyi malunga makatuka akanuhange, akanushihe, hindu mwono wa mwene wami muukapwa wa kukashila mu chichita cha akwa mwono wa kufunga kuli Yehova Zambi yenu. Alioze mwono wa akwa kole jenu makaumbila ngwe kakukonga liwe mu chikapa cha kukonga nacho mawe.