Mateu 13:24 - MUKANDA USANDU WA ZAMBI 1975

²⁴ Waatelele chishima chikwo ngwenyi, Wanangana wa malilu walifwa ngwe mutu yoze wakuwile mbuto yipema mu munda wenyi:

Mukanda Wa Zambi 1970

²⁴ Yesu yaatela chishima chikwo ngwenyi: “Wanangana wa mwilu walifwa ngwe mutu yoze wakuwile mbuto yibema mu munda wenyi.

Mateu 13:24 Iomraidhean Croise

Izaya 28:10

Mumu chapwa ndongo ha ndongo, ndongo ha ndongo; mukala ha mukala, mukala ha mukala; hano hakehe, ako hakehe.

Izaya 28:13

Kashika liji lia Yehova kuli ayo mulipwa ndongo ha ndongo, ndongo ha ndongo; mukala ha mukala, mukala ha mukala; hano hakehe, ako hakehe; hanga akaye akalimbukile unyimenyime, akamakuke, akakwachike, akaoze.

Ezekiel 17:2

Mwana mutu, hanjika chijimbikilo; tela chishima munyachi wa Izalele,

Mateu 13:19

Muze umwe mevwa liji lia wanangana, alioze kuliamulumbunukine, hohene mwe mupi meza, machanga chize te hakuwa mu mbunge yenyi. Yino yize ayikuwile ku sesa lia jila.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.

Mateu 13:31

Waatelele chishima chikwo ngwenyi, Wanangana wa malilu walifwa ngwe limona wa mosetate, yoze anjile mutu, akuwile mu munda wenyi.

Mateu 13:33

Waatelele chishima chikwo ngwenyi, Wanangana wa malilu kuunapu ngwe futunwiso, yize anjile pwo, aswekele mu njongo jitatu ja wunga, ndo wafutunukine weswe lukombo.

Mateu 13:37

Iye wakumbulwile, ngwenyi, Yoze wakukuwa mbuto yipema iye mwe Mwana Mutu;

Mateu 13:47

Cheka nawa, wanangana wa malilu walifwa ngwe wanda, uze atelele mu Chitende, wakungile yishi a ku milali yeswe:

Mateu 18:23

Kashika hanapwisa wanangana wa malilu ngwe umwe mwanangana yoze mazanga kulinga konta ni ndungo jenyi.

Mateu 20:1

Mumu wanangana wa malilu kuunapu ngwe mutu mwenya zuwo, watuhukile ha chimenemene mukulakenya akwa milimo aye ku munda wenyi.

Mateu 21:33

Ivwenu chishima chikwo ngwami, Kwapwile mutu mwenya zuwo, watumbile munda wa uva, wafulilemo ukamino, watungile kaposhi, waukunjikile kuli njimi, wayile ku chifuchi chikwo.

Mateu 22:2

Hanapwisa wanangana wa malilu ngwe mwanangana yoze walulikile ulungi hali mwanenyi,

Mateu 25:1

Hohene makapwisa wanangana wa malilu ngwe kumi lia ana-mapwo, aze anjile ndeya jo, akatuhuke mukupatwiza sandungi.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Luka 13:18

Iye wambile ngwenyi, Neka wanangana wa Zambi muulifwa? Ngwe chika munguupwisa?

Luka 13:20

Cheka nawa wambile ngwenyi, Ngwe chika mungupwisa wanangana wa Zambi?

Kolosu 1:5

Mumu ha kutalatala chize hananutulikila mu malilu; ha chino nwevwile kulu mu liji lia umwenemwene wa sango lipema.

1 Petulu 1:23

Se hinunasemuka chaha, hi ku mbuto ya kupola ko, aiioze ku yize kuyishi kuhasa kupola, lie liji lia Zambi, lize lia mwono, kuliakulinduluka ndo ku miaka ya mutolo.