Mateu 13:22 - MUKANDA USANDU WA ZAMBI 1975

²² Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mukanda Wa Zambi 1970

²² Akwo akutambula mbuto mukachi ka mingonga. Enoo akwivwa longeso, alioze yibikalo ya hashi hano ni kwonga cha ubite yakukeketesa longeso, mba muliseka.

Mateu 13:22 Iomraidhean Croise

Miaso (Masamu) 52:7

talenu au mutu kapwishile Zambi chiswamo chenyi, alioze wafulielele kulumbama cha upite wenyi, walitakamishine mu kuzo yenyi.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Yishima 11:28

Yoze Unafuliela upite wenyi kumakalimbuka; alioze mukwa ululi kumakalinduluka ngwe lifwo lia wisu.

Yishima 23:5

Musela meso je ku chuma chize kuchishiko, nyi? Mumu chamwenemwene upite wakulisokela mapulwa. Wapwa ngwe pupa yoze wakuhumuka kwilu.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Jeremia 4:3

Mumu Yehova kanambe kuli malunga ja Yunda ni akwa Yerusaleme ngwenyi, Chipula mavu aze kunwalimine, kanda nukuwa mbuto hakachi ka mbimbo.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 13:39

Mukwa kole yoze waukuwile iye Ndiapu: kucha che kumanunuka cha mwaka; ni akwa kucha e angelo.

Mateu 13:40

Kashika ngwe makungika mwambu wamokomoko akawoche ni kahia; chocho kumuchikapwa ha kumanunuka cha mwaka.

Mateu 13:7

Yikwo yaholokelele ha mingonga; ni mingonga yatatukile, yayikeketesele.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 12:21

Chocho anapu yoze wakulitulikila upite, keshi upite kuli Zambi.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

Yilinga 8:18

Achi, muze Semone amwene ngwe ahanyine Spiritu ha kusayika cha moko ja apostolo, wafupile kwaaha mbongo,

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

1 Korintu 1:20

Ulihi mukwa mana? Ulihi mukwa kusonyeka? Ulihi mukwa kuhangujola wa mwakono? Zambi kahepwishileko mana ja mwakono, nyi?

1 Korintu 2:6

Alioze twakuhanjika mana hakachi ka angunu: hindu hi mana ja mwakono ko, chipwe hi mana ja miata ja mwakono ko, aze meza kuhwa:

1 Korintu 2:8

Aze niumwe wa kuli miata ja mwakono kaanyingikineko, mumu kachi aanyingikine, kachi kahachilile ha kulusu Mwene wa uhenya.

1 Korintu 3:18

Niumwe kanda ahonga nichimwe. Kachi umwe malishinginyeka kupwa mukwa mana hakachi kenu ha mwakono, apwe chihepuke, hanga akapwe mukwa mana.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.