Mateu 13:20 - MUKANDA USANDU WA ZAMBI 1975

²⁰ Alioze yize mavikuwa ha mawe, iye yoze mevwa liji, mba haze hene malitambula ni uwahililo.

Mukanda Wa Zambi 1970

²⁰ Akwo kaalifwa ngwe mavu a ha mawe kuze kwakuholokela mbuto. Enoo akwivwa longeso, akulitambula hazehene ni uwahililo.

Mateu 13:20 Iomraidhean Croise

2 Sango Ja Mianangana 24:14

Muze hamana yaneha kuli mwanangana ni Jehoiada mbongo jize jasalile, mba yalinga najo yikwachilo ya zuwo lia Yehova, ye yikwachilo ya kuvumbika nayo, ni ya kulambula nayo, ni nguto ni yikwachilo ya oru ni ya prata. Tangwa ha tangwa alambwile milambu ya kulumba mu zuwo lia Yehova matangwa eswe a Jehoiada.

2 Sango Ja Mianangana 24:2

Njoashe walingile chipema kumeso ja Yehova matangwa eswe a sasendote Jehoiada.

2 Sango Ja Mianangana 24:6

Kashika mwanangana yasanyika Jehoiada mwe mukwa lutwe, yamuhula ngwenyi, Kuchi te kwashinjikile A-Levi akatambule kuli A-Yunda ni A-Yerusaleme ni chikungulwila cha Izalele mbongo jize atongwele kuli Mose kavumbi ka Yehova ha mbalaka ya Shindakenyo?

Izaya 58:2

Hindu kakungufupa tangwa ha tangwa, ni kuwaha ha kunyingika ndako jami, ngwe umwe munyachi wa kulinga ululi, ngwe kambilile shimbi ya Zambi yo. Kakungwita upatwilo wa ululi, kakuwaha ni kukundama kuli Zambi.

Mateu 13:19

Muze umwe mevwa liji lia wanangana, alioze kuliamulumbunukine, hohene mwe mupi meza, machanga chize te hakuwa mu mbunge yenyi. Yino yize ayikuwile ku sesa lia jila.

Mateu 13:21

Alioze keshi muji muli iye mwene, manyongonona ha shimbu likepe; muze luyinda hanji yihungumiona muyiza mumu ha liji, haze hene matalinga.

Mateu 7:8

Mumu mweswe meta, matambula; ni yoze mafupa, mawana; ni yoze mangongwela, kumamwazulwila.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yilinga 8:13

Semone mwene wafulielele: ni muze te hamupapachisa, wanyongonwene ni Fwilipe; iye, ha kumona yipupu yize alingile, walishikishilile.