Mateu 13:19 - MUKANDA USANDU WA ZAMBI 1975

¹⁹ Muze umwe mevwa liji lia wanangana, alioze kuliamulumbunukine, hohene mwe mupi meza, machanga chize te hakuwa mu mbunge yenyi. Yino yize ayikuwile ku sesa lia jila.

Mukanda Wa Zambi 1970

¹⁹ Waze akubanjika ku longeso lia Wanangana wa Zambi, alioze kulialumbunukine, kaalifwa ngwe sesa lia jila kuze kwakuholokela mbuto. Sakwonga kakwiza ni kuchanga yize akuwile mu mbunge jo.

Mateu 13:19 Iomraidhean Croise

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Yishima 17:16

Ha chikuma chika mu kwoko lia chihepuke muli ndando ya kulanda mana, se keshi mbunge?

Ezekiel 31:18

Chocho walifwa neya mu uhenya ni ulemu hakachi ka mitondo ya Endene? Kumakakuhulumuna muma mushi lia muno-muze hamwe ni mitondo ya Endene. Kumukapomba hakachi ka yilima, hamwe ni waze haashiha ni katana. Mwene Yehova kanambe ngwenyi, Chocho apwa Falau ni chihuji chenyi cheswe.

Mateu 12:26

Kachi Satana matuhwisa Satana, kachi malihandununa mwene; ngwe kuchi kevwe wanangana wenyi muukola?

Mateu 13:20

Alioze yize mavikuwa ha mawe, iye yoze mevwa liji, mba haze hene malitambula ni uwahililo.

Mateu 13:38

munda he hano hashi; mbuto yipema yino, ana a wanangana; mwambu wamokomoko ana a mwe mupi.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 5:37

Alioze liji lienu likapwe, ewa, ewa; hanji ka, ka, mumu yeswayo yahiana yino yakatuka kuli mwe mupi.

Marku 4:15

Waze ku sesa lia jila, haze makuwa liji; muze te hevwa, haze hene Satana meza, machiza lie liji lize halikuwa mu mbunge jo.

Luka 10:9

nukawuke mieji waze alimo, nukambe kuli ayo ngwenu, Wanangana wa Zambi hiunakundama kuli yenu.

Luka 9:2

Waatumine mukwambujola wanangana wa Zambi, ni kuhindwisa mieji.

Yoano 18:38

Pilatu yamba kuli iye ngwenyi, Umwenemwene kuchi upwa? Muze te hamba chino, watuhukile kuli A-Yunda, yamba kuli ayo ngwenyi, Chawanyine chitela nichimwe muli iye.

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

Yilinga 17:32

O muze evwile ha Uhindukilo wa afu, amwe achimbungwine; ni akwo ambile ngwo, Mutukakwivwa ha chino tangwa likwo.

Yilinga 18:15

Alioze se hichapwa yihula ha maliji ni majina ni shimbi ya yenwene, chitalenu yenwene; yami chisolo kusopa yino yuma.

Yilinga 20:25

Haliapwila, ngunanyingika, yenu eswe, hakachi kenu nendanganyine nikwambujola wanangana wa Zambi, kunuchi kamona meso jami nawa.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

A-ROMA 2:8

alioze kuli akwa pami, ni waze keshi kwononoka ku umwenemwene, alioze akwononoka ku uhenge, kumukukapwa utenu ni ufwatulo,

Efesu 3:8

Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

2 A-TESALONIKA 2:12

hanga akapatwile waze eswe kafulielele umwenemwene, alioze awahililile mu uhenge.

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

1 Yoano 5:18

Tunanyingika ngwetu, Mweswawo wasemuka kuli Zambi keshi kuvulumiona; aiioze yoze wasemuka kuli Zambi kakulifunga mwene, ni mwe chingulungulu keshi kumukwata.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.