Mateu 13:13 - MUKANDA USANDU WA ZAMBI 1975

¹³ Kashika nakuhanjika kuli ayo ni yishima; mumu nikutala keshi kumona, mba nikupanjika keshi kwivwa, chipwe keshi kunyingika.

Mukanda Wa Zambi 1970

¹³ Nakuhanjika no mu yishima, mumu kaakutala alioze keeshi kumona; kaakubanjika, alioze keshi kwivwa, chibwe keeshi kunyingika.

Mateu 13:13 Iomraidhean Croise

Izaya 44:18

Kanyingikine, kuchaalumbunukine mumu iye hayika meso jo, kashika kahashile kumona. Hayika manyonga jo, kashika kahashile kunyingika.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Ezekiel 12:2

Mwana mutu, kuwatwama hakachi ka munyachi wa yihulia. Kali ni meso a kumona no, alioze kamwene. Kali ni matwi a kwivwa no, alioze kevwile, mumu kapwa munyachi wa yihulia.

Ezekiel 20:49

Henaho yingwamba ngwami, Mwene Yehova! Kanangwambe ngwo, Au mwe mukwa kuta yishima.

Mateu 13:16

Alioze kawaha meso jenu, mumu kanamono, ni matwi jenu mumu kanevu.

A-ROMA 11:8

ngwe chinasonewa ngwo, Zambi waahele Spiritu ya kufungunuka, meso aze kechi kamona no, ni matwi aze kechi kevwa no, ndo ku tangwa lino.