Mateu 12:7 - MUKANDA USANDU WA ZAMBI 1975

⁷ Alioze kachi nwanyingikine chize muchilumbunuka ngwo, Ngunazange keke hi chitapo ko, kachi kunwahishile waze keshi chitela.

Mukanda Wa Zambi 1970

⁷ Hichinasonewa mu Mukanda wa Zambi ngwo: ‘Chishi kuzanga atu angulambule milambu ya tushitu, alioze ngunazange alivwile keke.’ Nyi kunwanyingika longeso lino, kachi kunwahishile waze keeshi chitela.

Mateu 12:7 Iomraidhean Croise

Jobe 32:3

Yatenuka ni masepa ja Jo atatu, mumu hahisa Jo alioze kawanyine chize numukumbulula nacho.

Miaso (Masamu) 109:31

Mumu iye kumakamana ku chindume cha mukwa kuhona akamulamwine kuli waze akusopesa mbunge yenyi.

Miaso (Masamu) 94:21

Kakukungulukila mukulimika ni mwono wa mukwa ululi, nikuhisa manyinga aze anasambe.

Yishima 17:15

Yoze masambisa chingulungulu ni yoze mahisa mukwa ululi, eswe ni aali kapwa chizelwokeso kuli Yehova.

Hosea 6:6

Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.

Mateu 22:29

Yesu wakumbulwile, ngwenyi, Nunapianguka, se kunushi kunyingika yisoneko, chipwe tachi ja Zambi,

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Marku 12:33

Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe.

Yilinga 13:27

Mumu waze akutwama mu Yerusaleme, ni akwa kuyula jo, se kamusele chinyingi, chipwe kanyingikine maliji ja aprofeta aze akwatanga ha masambata eswe, aamanunwine ha kumuhisa.

Tiangu (Jake) 5:6

Hinunahisa, hinunashihi mwe mukwa ululi; iye kalimikine ni yenu.

Yoshua 5:5

Waze eswe akatukile ku Engitu o ngalami, alioze waze eswe asemukine mu jila ya mu puya muze te hakatuka ku Engitu o kaapwishile ngalami.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.