Mateu 12:41 - MUKANDA USANDU WA ZAMBI 1975

⁴¹ Ha upatwilo akwa Ninive kumakakatuka hamwe ni chisemuko chino, o makachihisa: mumu alikonyekene ha kwambujola cha Yona; mba, umwe Wahiana Yona kuno kwali.

Mukanda Wa Zambi 1970

⁴¹ Ha Tangwa lia Ubatwilo akwa Ninive maakakatukila atu ja mwakono ni kwahisa, mumu ayo alumukine ku mbunge muze evwile kwambujola cha Yona. Ni chikuma chahiana chize cha Yona hano hichili!

Mateu 12:41 Iomraidhean Croise

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Jeremia 3:11

Ni Yehova yamba kuli yami nawa ngwenyi, Uhie wa mukwa mafwefwe Izalele ukepe, wa mukwa mahuza Yunda unene.

Yona 1:2

Katuka uye ku Ninive, lie limbo linene, ukakololoke kuli ayo, mumu ungulungulu wo hiunahete kuli yami.

Yona 3:4

Yona yaputuka kunjila mu limbo kwenda cha tangwa limuwika, nikukololoka ngwenyi, Kwasala makumi awana a matangwa mba manunguna Ninive.

Mateu 12:39

Alioze waakumbulwile ngwenyi, Chisemuko cha ungulungulu kanda cha utanji muchifupa chilayi; ni chilayi kechi kaahacho shina chize cha profeta Yona:

Mateu 12:42

Ha upatwilo mwanangana wa pwo wa ku Sule kumakahinduka ni chisemuko chino, mba makachihisa: mumu iye wakatukile ku masongo a hashi mukwivwa mana ja Solomone; mba, umwe Wahiana Solomone kuno kwali.

Mateu 12:45

Hohene maya, matwala hamwe nenyi maspiritu eka shimbiali a ungulungulu ahiana iye mwene, manjila, matwamamo, ni songo lia yoze mutu mulihiana kupiha. Chizechene kumuchikapwa nawa ku chisemuko chino cha ungulungulu.

Mateu 12:6

Alioze ngunambe kuli yenu ngwami, umwe munene Wahiana tembele kuno kwali.

Mateu 16:4

Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 23:36

Pundu ngunambe kuli yenu ngwami, Yino yuma yeswe kumuyikeza ha chisemuko chino.

Luka 11:32

Malunga a ku Ninive kumakahinduka ha upatwilo hamwe ni chisemuko chino, makachihisa: mumu alikonyekene ha kwambujola cha Yona; kumanyi, umwe Wahiana Yona kuno kwali.

Yoano 3:31

Yoze unakatuka mwilu iye helu lia eswe: ni yoze unakatuka hashi iye mukwa hashi, iye kakuhanjika ya hashi: yoze unakatuka mwilu iye helu lia eswe.

Yoano 4:12

Yena uli munene wahiana kulwetu Yakomba, yoze watuhele lie shima, wanwinemo iye mwene, ni ana jenyi, ni yimuna jenyi, nyi?

A-ROMA 2:27

Mba yilima ku chisemewa kachi mamanununa shimbi kechi kakupatwila, nyi? Yena uli ni lusona ni ungalami, alioze unatangula shimbi, nyi?

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.