Mateu 12:40 - MUKANDA USANDU WA ZAMBI 1975

⁴⁰ mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mukanda Wa Zambi 1970

⁴⁰ Ngwe chize Yona abwile mu jimo lia yishi munene matangwa atatu a mwalwa ni ufuku, Chenacho nawa, mwe Mwana Mutu makabwa mu kalunga matangwa atatu a mwalwa ni ufuku.

Mateu 12:40 Iomraidhean Croise

1 MIANANGANA 14:25

Yahilwisa njiza ya Izalele chize ku unjililo wa Hamate ndo ku kalunga-lwiji wa Arapa nikulita ni liji lia Yehova Zambi ya Izalele. Liji lize aliambile kuli kavumbi kenyi Yona mwana Amitai mwe profeta wa ku Ngate-Hefere.

Miaso (Masamu) 63:9

Alioze waze akufupa mbunge yami akayonwone kumakanjila mushi lia hashi.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Mateu 12:8

Mumu mwe Mwana Mutu iye mwene wa Sambata.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 17:23

kumakamushiha, mba ha tangwa liamuchitatu kumakahinduka. Evwile chikolo chinyengo.

Mateu 27:40

Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu.

Mateu 28:6

Amuno keshimo; mumu hahinduka, chizechene ngwe wambile, Tweyenu, nutale homa haze apombanga Mwene.

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Yoano 2:19

Yesu waakumbulwile ngwenyi, Onwonenu tembele yino, mba ha matangwa atatu mungukayihindwisa.