Mateu 12:4 - MUKANDA USANDU WA ZAMBI 1975

⁴ Ngwe chize anjilile mu zuwo lia Zambi, walile mbolo ja kutumbieka, jize shimbi kuyamutayijile kulia iye, chipwe waze apwile hamwe nenyi, alioze asasendote wika?

Mukanda Wa Zambi 1970

⁴ Yanjila mu zuwo lia Zambi, yalia mbolo ja kutumbieka ku meso ja Zambi, jize Shimbi kujatayijile iye chibwe atu jenyi kujilia—shina mahako a Zambi wika.

Mateu 12:4 Iomraidhean Croise

Kutuhuka 25:30

Ukatumbike ha mesa mbolo ja kutumbieka kumeso jami matangwa eswe.

Alevi 8:31

Mba Mose yamba kuli Arone ni anenyi a malunga ngwenyi, Telekenu ye yifwo ku chikolo cha mbalaka ya chikungulwila nukayilie kuze kwene hamuwika ni mbolo yize yili mu mutonga wa milambu ya kulitumbikila ku usasendote, ngwe nanutumine ngwami, Arone ni anenyi a malunga akayilie.

Mateu 12:3

Alioze iye wambile kuli ayo ngwenyi, Kunwatangile chize alingile David, muze evwile zala, ni waze apwile hamwe nenyi, nyi?

Mateu 12:5

Hanji kunwatangile mu shimbi ngwe ha masambata, asasendote mu tembele kakutangula Sambata hindu keshi chitela, nyi?

Marku 2:26

Ngwe chize anjilile mu zuwo lia Zambi ha matangwa ja sasendote mukwa lutwe Abiatare, alile mbolo ja kutumbieka, jize kuchalitele ni shimbi kulia shina hali asasendote wika? Wahanyine nawa kuli waze apwile hamwe nenyi?

Luka 6:4

Ngwe chize anjilile mu zuwo lia Zambi, wanjile mbolo ja kutumbieka, walile, wahanyine kuli waze apwile hamwe nenyi, jize kuchalitele ni shimbi kulia shina hali asasendote wika?

Hebreu 9:2

Mumu alulikile mbalaka, yitangu, muze mwapwile ni chikwachilo cha ndeya, ni mesa, ni mbolo ja, kutumbieka; muze anavulukamo ngwo, Muma musandu.

1 Samuel 21:4

Sasendote yakumbulula kuli David ngwenyi, Chishi ni mbolo jeswajo alioze mbolo jisandu nguli najo, kachi akweze halifunga ku mapwo.

1 Samuel 21:6

Kashika sasendote yamwaha mbolo jisandu mumu kapwile ni jikwo shina ja kutumbieka jize hachiza kumeso ja Yehova muze masako mbolo ja kahia kusalakana jikwo.