Mateu 12:34 - MUKANDA USANDU WA ZAMBI 1975

³⁴ Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mukanda Wa Zambi 1970

³⁴ Yenu vungu lia yihili! Ngwe kuchi yenu abi munuhasa kuhanjika yibema. Mumu kanwa liakuhanjika yize yinalumbama mu mbunge.

Mateu 12:34 Iomraidhean Croise

Miaso (Masamu) 53:1

Chihepuke hanambe mu mbunge yenyi ngwenyi, Wakuhi Zambi niumwe. Kapiha; hanalingi uhenge wa kuzelwokesa. Niumwe walinga yipema wakuhi.

Miaso (Masamu) 64:3

Hahela limi lio ngwe katana; hatondekeza mivu yo, e maliji asasu.

Miaso (Masamu) 64:5

Kakulisongojola mu kutaha chipi. Kakulishimwinya akatele makambwila ku lumbu. Kanambe ngwo, Iya mayimona?

Yishima 16:23

Mbunge ya mukwa mana kuyakulongesa kanwa lienyi, kuyakuweza yinyingi ku mivumbo yenyi.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Izaya 32:6

Mumu chihepuke kakuhanjika uhepuke, ni mutwe wenyi wakutaka uhenge, akalinge utanganyanyi, akahanjike uhenge ha kutwala kuli Yehova, akahichike akwa zala ni zala yo, akachize kunwa cho kuli akwa pwila.

Izaya 59:14

Upatwilo wa kulita hiwahiluka kunyima, ululi kanamana kusuku; mumu umwenemwene hiwafwa ha lwaza, kululama kuchahashile kunjilamo.

Izaya 59:4

Niumwe unasopo ni ululi, niumwe unatwala chikuma chenyi ku lwaza ni mbunge yipema. Kakufuliela ungaji wamokomoko, kakuhanjika mahuza. Kakwaka uhuka ni kusema uhenge.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Mateu 15:18

Alioze yuma yize muyituhuka mu kanwa muyituhuka mu mbunge; neyo kuyakupihisa mutu.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 3:7

Iye wambile kashika ku mbunga jize ayile kuze akaapapachise ngwenyi, Vungu lia yihili, iya hanutoweza kuchina utenu uze muwizaho?

Luka 6:45

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Efesu 5:4

chipwe pande ja sonyi, chipwe miselo ya uhepuke, hanji lwelia yoze katelele, alioze Shinaho nupwe nikusakwila.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Samuel 24:13

Ngwe chishima cha makulwana ngwo, Muli chingulungulu mwatuhuka ungulungulu. Alioze kwoko liami kulichi kulimika ni yenu.