Mateu 12:32 - MUKANDA USANDU WA ZAMBI 1975

³² Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mukanda Wa Zambi 1970

³² Yoze malimika ni Mwana Mutu, Zambi makamukonekena, alioze yoze malimika ni Mwiku wa Linanga, Zambi kechi kanukonekena, chibwe ha mwakono chibwe ha mwaka uze muukeza.”

Mateu 12:32 Iomraidhean Croise

Jobe 36:13

Waze ali ni mbunge ja utanganyanyi kakufunga utenu; katetele aakwase muze maakasa.

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Mateu 12:31

Kashika ngunambe kuli yenu ngwami, Mulonga weswawo ni kushililika cheswacho kumakaakonekenacho atu, alioze kushililika Spiritu Musandu kechi kaakonekenacho atu.

Mateu 12:8

Mumu mwe Mwana Mutu iye mwene wa Sambata.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 13:39

Mukwa kole yoze waukuwile iye Ndiapu: kucha che kumanunuka cha mwaka; ni akwa kucha e angelo.

Mateu 13:40

Kashika ngwe makungika mwambu wamokomoko akawoche ni kahia; chocho kumuchikapwa ha kumanunuka cha mwaka.

Mateu 13:55

Yono hi mwana wa karpinteru ko, nyi? Naye hi Maria ko, nyi? Ni ana-akwo ngwo, Tiangu, ni José, ni Semone, ni Yunda, nyi?

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Marku 10:30

kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo.

Marku 3:28

Pundu ngunambe kuli yenu ngwami, Kumakakonekena atu mitonga yo yeswe, ni kushililika cho cheswe mashililika nacho.

Marku 3:29

Alioze mweswawo mashililika Spiritu Musandu keshi ukonekeno ndo ku miaka ya mutolo, alioze mahia mutonga wa mutolo.

Luka 12:10

Mweswawo mahanjika liji lia kusaula mwe Mwana Mutu, kumamukonekenalio; alioze yoze mashililika Spiritu Musandu, kechi kamukonekenacho.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

Luka 18:30

yoze kechi katambula yisuho yinji yikwo, ha mwaka uno, ni ha mwaka uze muwizaho, mwono wa mutolo, ngwami, Niumwe.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Luka 7:34

Mwe Mwana Mutu haneza nikulia, nikunwa, mba nunambe ngwenu, Talenu, chipulutu ni chizengewi, kasendo ka akwa kufwetesa lijimu ni yivulumunyi.

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Yoano 7:52

Amukumbulwile ngwo, Yena nawa uli wa ku Ngalileya, nyi? Hengula, utale, ku Ngalileya keshi kukatuka profeta niumwe.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Efesu 1:21

helu lia mawanangana eswe ni yiyulo yeswe, ni tachi jeswe, ni wene weswe, ni majina eswe waze anaavuluka hi ha mwakono wika ko, alioze ha uze muwizaho nawa.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.

Titu 2:12

nikutufumba, ngwo, Chatutamba kwenda ni mana ni ululi ni uwayilo, ni kulikala utanganyanyi ni usolo wa hano hashi, ha mwakono haliapwila;

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.