Mateu 12:24 - MUKANDA USANDU WA ZAMBI 1975

²⁴ Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mukanda Wa Zambi 1970

²⁴ Muze Afariseu haachivwa, yaamba ngwo: “Mutu yono kakutuhwisa mwiku wa luchisa shina ni tachi ja Belzebu, mwata wo.”

Mateu 12:24 Iomraidhean Croise

Miaso (Masamu) 109:20

Chino chikapwe fweto ya akwa kulimika ni yami kuli Yehova, ni ya waze mahanjika chipi cha kulimika ni mwono wami.

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 9:32

Shimbu machituhuka, anehene kuli iye kamama, mukwa ndemoniu.

Mateu 9:34

Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Marku 3:22

Akwa kusonyeka waze te hakatuka ku Yerusaleme, ambile ngwo, Mbelezepu akwete, chikwo ngwo, Ni tachi ja mwata wa andemoniu kakutuhwisa andemoniu.

Luka 11:14

Iye te kanatuhwisa ndemoniu kamama. Muze te ndemoniu hatuhuka, kamama wahanjikile; mbunga akomokene.

Luka 11:15

Alioze amwe a kuli ayo ambile ngwo, Ni tachi ja Mbelezepu, mwata wa andemoniu, kakutuhwisa andemoniu.