Mateu 12:2 - MUKANDA USANDU WA ZAMBI 1975

² Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Mukanda Wa Zambi 1970

² Muze Afariseu achimwene, yaambila Yesu ngwo: “Tala, tumbaji twe kaanalingi ha tangwa lia kuhwima chize kuchalitele ni Shimbi jetu.”

Mateu 12:2 Iomraidhean Croise

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Kutuhuka 35:2

Nukalinge milimo ha matangwa asambano alioze ha tangwa liamuchishimbiali kumukukapwa tangwa lisandu kuli yenu, Sambata ya uhwimino ulemu kumeso ja Yehova. Mweswawo malingilaho milimo yeswayo, nukamushihe lume.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Mateu 12:10

Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Mateu 12:3

Alioze iye wambile kuli ayo ngwenyi, Kunwatangile chize alingile David, muze evwile zala, ni waze apwile hamwe nenyi, nyi?

Marku 2:24

A-Fwariseu ambile kuli iye ngwo, Tala, kuchi te analingi ha tangwa lia Sambata chize kuchalitele ni shimbi?

Luka 14:3

Yesu wambile kuli akwa shimbi ni A-Fwariseu ngwenyi, Muchilita ni shimbi kuwuka ha tangwa lia Sambata, nyi?

Luka 23:56

O ahilukile, alulikile mbuto ya vumba lipema ni yitumbo yipema ya kukwita. Ha tangwa lia Sambata anamine nikulita ni liji lia shimbi.

Luka 6:2

Alioze amwe a kuli A-Fwariseu ambile kuli ayo ngwo, Kuchi te nunalingi chize kuchalitele ni shimbi kulinga ha tangwa lia Sambata?