Mateu 12:18 - MUKANDA USANDU WA ZAMBI 1975

¹⁸ Kavumbi kami yoze hingunamutongola; Ngunamuzange chikolo, yoze muli iye mbunge yami yinawaha: Kumungukasa Spiritu yami hali iye, mba kumakambujola upatwilo kuli akwa mavungu.

Mukanda Wa Zambi 1970

¹⁸ “ ‘Talenu kavumbi kami yoze natongwele, yoze nakuzanga kuhiana, ni yoze nakuwahilila nenyi. Mungukasa Mwiku wami muli iye, mba makambulula ubatwilo wami kuli waze hi Ayuda ko.

Mateu 12:18 Iomraidhean Croise

Miaso (Masamu) 89:19

Mba wahanjikile mu usolwelo kuli musandu we. Wambile ngwe, Hinakwasa umwe mukwa ndundo; hinanangamisa umwe wa kutongola hakachi ka atu.

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 62:2

Mavungu mamona ululi wenu; mianangana eswe mamona uhenya wenu. Kumakanuluka jina liaha lize kanwa lia Yehova mulikanwaha.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Zakaria 3:8

Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Mateu 12:17

Hanga chikamanunuke chize ahanjikile ku kanwa lia profeta Izaia ngwenyi,

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Marku 1:11

Mba liji liatuhukile mu malilu ngwo, Mwanami yena ngunakuzange chikolo, muli yena ngunawahilila.

Marku 9:7

Lelwa liejile nikwazulamina Chizulie; ni liji Watuhukile mu lelwa ngwo, Yono mwe Mwanami ngunamuzange chikolo; mwivwenu.

Luka 23:35

Atu amanyine nikutala. Akwa kuyula nawa amukekwine, ngwo, Walamwinyine akwo; alilamwine mwene kachi yono mwe Kristu ya Zambi, yoze hanamutongola.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Luka 9:35

Ni liji liatuhukile mu lelwa ngwo, Yono mwe Mwanami, ngunamuzange, mwivwenu.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Kolosu 1:1

Yami Paulu, postolo wa Yesu Kristu ku upale wa Zambi, hamuwika ni ndumbwetu Timoteu,

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

1 Petulu 2:4

Nwakwiza kuli iye, ngwe ku liwe lia mwono, alitunyinelio chamwenemwene kuli atu, aiioze kuli Zambi Hapwa lia kutongola, lilemu.

2 Petulu 1:17

Mumu watambwile kuli Zambi mwe Tata ulemu ni uhenya, muze ahanjikile liji lino kuli iye ku uhenya wa ulamba ngwo, Yono mwe Mwanami, ngunamuzange chikolo, muli iye ngunawahilila.