Mateu 12:10 - MUKANDA USANDU WA ZAMBI 1975

¹⁰ Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Mukanda Wa Zambi 1970

¹⁰ Yimubwa umwe mukwa kwoko liasosewa. Amwe waze abwile mo yaazanga kusuma Yesu mulonga. Kashika, yaamuhula ngwo: “Muchilita ni Shimbi kuwuka mutu ha tangwa lia kuhwima, nyi?”

Mateu 12:10 Iomraidhean Croise

Izaya 32:6

Mumu chihepuke kakuhanjika uhepuke, ni mutwe wenyi wakutaka uhenge, akalinge utanganyanyi, akahanjike uhenge ha kutwala kuli Yehova, akahichike akwa zala ni zala yo, akachize kunwa cho kuli akwa pwila.

Izaya 59:13

Twakuvulumuna, twakulikala Yehova, twakuhambuluka mu jila ya kukaula Zambi yetu, twakuhanjika kupinjisa ni kukolema, twakunyonga mu mbunge maliji a mahuza, twakwahanjika nawa.

Izaya 59:4

Niumwe unasopo ni ululi, niumwe unatwala chikuma chenyi ku lwaza ni mbunge yipema. Kakufuliela ungaji wamokomoko, kakuhanjika mahuza. Kakwaka uhuka ni kusema uhenge.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Mateu 12:2

Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Mateu 19:3

A-Fwariseu ejile kuli iye, akamweseke, ngwo, Muchilita ni shimbi hali mutu kulakula mukwo-pwo ha chikuma cheswacho, nyi?

Marku 3:2

O amulayilile kachi mamuwuka ha tangwa lia Sambata; hanga akamusume mutonga.

Luka 11:54

nikumujikinyina, nikufupa kukwata chuma chimwe mu kanwa lienyi hanga amusume.

Luka 13:14

Alioze mukwa kuyula sunangonga te kanevu kupiha, mumu Yesu wawukile ha tangwa lia Sambata, wakumbulwile ku mbunga ngwenyi, Kwali matangwa asambano a milimo, kashika nwize ha matangwa aze anuwuke, hi ha Sambata ko.

Luka 20:22

Ngwetu, Muchilita ni shimbi hali yetu shina kuhana lijimu kuli Sesare, nyi? Shina ka?

Luka 23:14

wambile kuli ayo ngwenyi, Nwanehanga kuli yami yono mutu, ngwe umwe wakuhengesa atu; alioze yami, se namusopesanga kumeso jenu, chawanyine chitela nichimwe muli yono mutu, ha kutwala ku yize yuma nunamusumu nayo.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yoano 5:10

Kashika A-Yunda ambile kuli yoze wahindukile ngwo, Musono lie tangwa lia Sambata; kuchalitele ni shimbi kumbata chalo che.

Yoano 5:3

Muze mwene mwapombele chizavu cha mieji, ni tupuputa, ni yilema, ni akwa kusosewa, te kanatatatata kufuza cha meya:

Yoano 7:23

Kachi mutu matambula ungalami ha tangwa lia Sambata, hanga kechi katangula shimbi ya Mose; nunevu matoto ni yami, mumu napwishile mutu mungunu liakulu ha tangwa lia Sambata, nyi?

Yoano 8:6

Alioze chino ambile nikumuzeza, hanga akapwe ni chuma cha kumusuma nacho. Alioze Yesu wahetamine, iye ni munwe wenyi wasonekene hashi.

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.