Mateu 11:5 - MUKANDA USANDU WA ZAMBI 1975

⁵ Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mukanda Wa Zambi 1970

⁵ tupuputa kaanamono, yitonji kaanende, akwa mbumba kaanabeme, afwa matwi kaanevu, afu kanaahindwisa, Sango Jibema kanajambujolela yiswale.

Mateu 11:5 Iomraidhean Croise

1 MIANANGANA 5:14

Henaho yapalumuka, yalichupika kashimbiali mu Yordau nikulita ni liji lia mutu wa Zambi, mba musunya wenyi yiwalumuka ngwe musunya wa mwana mukepe, yapema.

1 MIANANGANA 5:7

Muze mwanangana wa Izalele hatanga mukanda yasonya mazalo jenyi ngwenyi, Te nguli Zambi, wakushiha ni kupwisa ni mwono, kashika yono hatuma kuli yami ngukawuke mutu mbumba yenyi. Achi talenu chize kanafupu kuvundula ndombo ni yami.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Izaya 29:18

Ha tangwa lize afwa-matwi mevwa maliji a mu mukanda, ni ku ufuku wo ni milima yo tupuputa mamona.

Izaya 29:19

Mukwa kushimbika matambula uwahililo waha muli Yehova; ni yiswale hakachi ka atu kumakalikwiza muli mwe Musandu wa Izalele.

Izaya 43:8

Nehenu tupuputa waze ali ni meso, nehenu afwa-matwi waze kakwivwa.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Zakaria 11:7

Chocho nalumukine kafunga ka mapaagu aze hanaafunjikila kufwa mumu hali akwa kusepa ni mapanga. Yingwanda milumbu yiali. Umwe naulukile ngwami, Vumbi; ukwo naulukile ngwami, Kununga. Yingufunga mapanga.

Mateu 10:8

Wukenu mieji, hindwisenu afu, pemesenu akwa mbumba, tuhwisenu andemoniu; hinunatambula wana, hanenu wana.

Mateu 11:4

Yesu waakumbulwile ngwenyi, Yénu nukambulwile Yoano yize nunevu ni yize nunamono.

Mateu 12:13

Hohene yamba kuli mutu ngwenyi, Olola kwoko lie. Mba waliolwele; nelio liahindukile lingunu ngwe likwo.

Mateu 21:14

Ni tupuputa ni yilema ejile kuli iye mu tembele; neye waawukile.

Mateu 5:3

Kawaha yiswale mu Spiritu, mumu wanangana wa malilu niwo.

Mateu 9:30

Mba meso jo alawile, ni Yesu waahele chikolo koki ngwenyi, Niumwe mutu kanda akachinyingika.

Marku 7:37

Mba alishimwokene kuhiana chikolo, ngwo, Hanalingi kanawa yuma yeswe, kakuvwisa chipwe afwa-matwi, kakuhanjikisa tumama.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Yoano 10:25

Yesu waakumbulwile ngwenyi, Nanwambulwilile, alioze kunushi kufuliela: yitanga yize nakulinga mu jina lia Tata, yino kuyakushindakenya hali yami.

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 2:23

Muze apwile mu Yerusaleme ku Chizomboka, ku chiwanyino, anji afulielele jina lienyi, ha kumona yilayi yenyi yize apwile nikulinga.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 9:7

Wambile kuli iye ngwenyi, Yako, usane mu Chitende cha Sailome, (linalumbunuka ngwo, Kanatumiwa). Wayile kashika, yasana, yahiluka nikumona.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?