Mateu 11:29 - MUKANDA USANDU WA ZAMBI 1975

²⁹ Lilemenu ni kanga yami, lilongesenu kuli yami; mumu nguli mukwa kushimbika, mukwa kulilelesa mu mbunge; mba kumunukawana uhwimino ku mbunge jenu.

Mukanda Wa Zambi 1970

²⁹ Zundulenu kanga yami, lilongesenu kuli yami, mumu nguli chihomboloji ni mukwa kulilelesa mu mbunge—mba munukawana uhwimino,

Mateu 11:29 Iomraidhean Croise

2 Sango Ja Mianangana 10:11

Kashika haze tata wanulemene kanga yilemu ami munguweza ku kanga yenu. Tata wanulambile ni shikote alioze ami mungunulamba ni tuvwanda.

Miaso (Masamu) 116:7

Mbunge yami hiluka ku uhwimino we, mumu Yehova hanakwehe ya kulumbama.

Miaso (Masamu) 131:1

Yehova, mbunge yami kuyishi kulizelula. Meso jami chishi kwatwala kwilu naye. Chipwe yami chendele mu yuma yinene, hanji mu yuma yize yakukomwesa naye kuli yami.

Yishima 3:17

Ndako jenyi japwa ja kuwaha, mba majila jenyi jeswe ja sambukila.

Izaya 28:12

Hanambe kuli wano ngwenyi, Uno we uhwimino ngwami, Hanenu uhwimino kuli akwa yikatalo; che kutula chenacho. Hindu kapanjikile.

Izaya 29:19

Mukwa kushimbika matambula uwahililo waha muli Yehova; ni yiswale hakachi ka atu kumakalikwiza muli mwe Musandu wa Izalele.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 21:5

Ambenu kuli mwana wa Zaione, ngwenu, Tala, Mwanangana we meza kuli yena, Mukwa kushimbika, kanende ha chimbulu, Kanende ha musamba wa chimbulu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 7:24

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe:

Luka 8:35

O atuhukile mukumona chize chapwile, ejile kuli Yesu, awanyine mutu yoze muli iye hatuhuka andemoniu, kanatwama ku yiliato ya Yesu, hazala hina, hapwa ni mana, no evwile woma.

Yoano 13:15

Mumu hinanwaha chilweza, hanga ni yenu nawa Chanutamba kulinga chizechene ngwe yami hinalinga kuli yenu.

Yoano 13:17

Kachi nunanyingika yino yuma, kachi nunawaha nyi munuyilinga.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

1 Korintu 9:21

Kuli waze keshi shimbi nalipwishile ngwe chishi shimbi, kuchapwile ngwe chishi shimbi kuli Zambi, alioze mu shimbi kuli Kristu, hanga ngukazuke waze keshi shimbi.

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

2 Korintu 10:5

twakupupa malinjekela ni yuma yeswe ya kwilu, yize yakulinangamisa kulimika ni chinyingi cha Zambi, twakutwala manyonga eswe ku ufunge akononoke kuli Kristu;

Filipu 2:5

Kunyonga chino chikapwe muli yenu, chize chapwile nawa muli Kristu Yesu.

1 Tesalonika 4:2

Mumu nunanyingika shimbi jize twanuhele ja kuli Mwene Yesu.

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

1 Yoano 2:6

yoze mamba ngwenyi, Ngunatwama muli iye, chamutamba nawa kwenda chizechene ngwe endele iye.