Mateu 11:25 - MUKANDA USANDU WA ZAMBI 1975

²⁵ Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mukanda Wa Zambi 1970

²⁵ Ha shimbu lize Yesu yamba ngwenyi: “A tata, Mwenya lilu ni hashi! Ngunakusakwila mumu hiwasolwela waze kaalilongesele yuma yize waswekelela akwa mana ni waze haanalilongesa.

Mateu 11:25 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

1 Sango Ja Mianangana 29:13

Kashika yena Zambi yetu tunakusakwilila nikuhalisa jina lie lia uhenya.

Jobe 37:24

Kashika atu kakumuvwila woma; keshi kutala waze akulimona akwa mana anji.

Miaso (Masamu) 8:2

Ku makanwa ja ana-akemba ni akwa kwamwa hiwakolesa ngolo, mumu hali waze akulimika ni yena, hanga uholese akwa kole ni akwa kukala.

Izaya 5:21

Lamba kuli waze akulimona ene akwa mana, kakulimona ene kukanyama.

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Daniel 2:23

Kuli yena, Zambi ya tulamba twami, ngunasakwila, ngunahalisa, mumu wangwaha mana ni tachi. Hiwangunyingikisa chuma chize twechile kuli yena, mumu hiwatunyingikisa chikuma cha mwanangana.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Mateu 21:16

Ambile kuli iye ngwo, Unevu chize anambe wano, nyi? Yesu ngwenyi, Ewa, kunwatangile nilimwe tangwa ngwo, Mu makanwa ja ana-akemba ni akwa kwamwa hiwasa uhaliso ungunu.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Yoano 11:41

Achijile kashika liwe; ni Yesu wahetwile meso jenyi kwilu, iye wambile ngwenyi, Tata, ngunakusakwila mumu wanguvwile.

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

Yilinga 17:24

Zambi yoze watangile hashi ni yuma yeswe yiliho, iye se kapwa Mwenya lilu ni hashi, keshi kutwama mu matembele a kutangiwa ni moko;

1 Korintu 2:10

Alioze Zambi hanayisolola kuli yetu ku tachi ja Spiritu: mumu Spiritu kakuhengula ha yuma yeswe, ewa, yuma yikalu ya Zambi.

2 Korintu 3:14

Alioze manyonga jo alayile, mumu ndo tangwa lino, ha kutanga usendo ukulu, wanda kuunasala, kauchijile; mumu muli Kristu te wakuhwa.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.