Mateu 11:23 - MUKANDA USANDU WA ZAMBI 1975

²³ Ni yena Kafwanaume hakunangamisa ndo mwilu, kumakakuhulumuna ndo ku Heteze: mumu kachi yipupu yize alingile muli yena, ayilingile mu Sondome, kachi kuchasala ndo tangwa lino.

Mukanda Wa Zambi 1970

²³ Ni yenu akwa Kafarnaume, nunanyongo ngwenu, makanuzundula ndoo mwilu, nyi? Kumakanuhulumuna ndoo mu kahia! Mumu nyi yipupu yize alingile muli yenu ayilingile mu Sodome, kachi limbo lize kulili ndoo musono!

Mateu 11:23 Iomraidhean Croise

Ubutukilo 13:13

Alioze atu a mu Sondome yingulungulu, akwa kuvulumiona Yehova kuhiana.

Lungungu 2:1

Mwene mu utenu wenyi hanafuku mwana-pwo Zaione ni lelwa. Uhenya wa Izalele hanauchiza mwilu, hanaumbila hashi. Ha tangwa lia utenu wenyi hanavulama chitwamo cha yiliato yenyi.

Ezekiel 26:20

henaho mungukakunyasa hamwe ni waze akuya mu jondo, kuli atu a shakulu; mungukakutwamisa muma mushi lia muno-muze mu yihela yize ya kwenyeka ya shakulu hamwe ni waze akuya ku jondo. Chocho kuchi kapwa ni atu, chipwe chihela mu chifuchi cha akwa mwono.

Ezekiel 31:14

Chino cheswe muchikapwa kukanjisa mitondo ya ku meya kanda yitunda naye, chipwe kusa masongo jayo hakachi ka malelwa, mitondo yize ya kutambula meya kanda yihetako ha kutolomoka. Mumu yeswe hanayikunjika ku kufwa muma mushi lia muno-muze hakachi ka atu a kufwa hamwe ni waze akuya ku jondo.

Ezekiel 32:18

Mwana mutu, lila mbimbi ha mbunga ya A-Engitu, ukaatume, ni iye ni ana a mapwo a ku mavungu a uhenya, muma mushi lia munomuze, kuli waze akuya ku jondo, ngwe,

Ezekiel 32:24

Elame kokwali ni mbunga yenyi ya kujingilika fuka lienyi; eswe a kufwa, a kushiha ni katana, waze apalumukine ni ulima wo muma mushi lia muno-muze, waze te akolesele mwongo mu chifuchi cha akwa mwono, mba haliapwila sonyi anevu hamwe ni waze akuya ku jondo.

Obadia 1:4

Yehova kanambe ngwenyi, Chipwe mulinangamisa ngwe pupa; chipwe muosa walo we hakachi ka matongonoshi hindu mungukuhulumunako.

Mateu 10:15

Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 17:24

Muze haheta ku Kafwanaume, waze atambwile mbongo ja tembele ejile kuli Petulu, ngwo, Longeshi yenu kakufweta mbongo ja tembele, nyi?

Mateu 4:13

Yahichika Nazare, yaya mukutwama mu Kafwanaume, limbo lize Uli ku sesa lia Chitende, mu manjiza ja Zapulone ni Napatali;

Mateu 8:5

Muze te Yesu hanjila mu Kafwanaume, kapitau wejile kuli iye, nikuliumba ngwenyi,

Luka 10:15

Ni yena Kafwanaume, makakunangamisa ndo mwilu, nyi? Kumakakuhulumuna ndo ku Heteze.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 16:23

Iye mu Heteze yahetula meso jenyi mu upinjilo, yamona Apalahama kusuku ni Lazaru mu kondo yenyi.

Luka 4:23

Iye wambile kuli ayo ngwenyi, Munwamba kuli yami chishima chino ngwo, Mbuki, liwuke yena mwene; chize cheswacho twevwile alingile ku Kafwanaume, linga kuno nawa mu chijima cha yena mwene.

Yilinga 2:27

mumu yena kuchi kahichika alma yami mu Heteze, chipwe kuchi katayiza Musandu we kumona kupola.

Yilinga 2:31

iye nikumona Shimbu-kanda, wahanjikile ha Uhindukilo wa mwe Kristu, ngwo, Kahichikile alma yenyi mu Heteze, chipwe musunya wenyi kuwamwene kupola.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 11:8

Ni mijimba yo yinapombo mu tapalo lia limbo linene, lize anavuluka ha uspiritu ngwo, Sondome, ni ngwo, Engitu, kuze nawa ahachilile Mwene wo ha kulusu.

Usolwelo 20:13

Ni kalunga-lwiji wechele afu aze apwilemo; ni kufwa ni Heteze yechele afu aze apwilemo: aapatwilile, mutu ni mutu nikulita ni yitanga yo.

Usolwelo 6:8

Namwene, kavwalu watomonoka: ni yoze watwamineho, jina lienyi, Kufwa; ni Heteze yakawile hamwe nenyi; aahele poko ha chihanda chimuwika cha ku yihanda yiwana ya hashi, mukushiha ni katana, ni kapunga, ni kufwa, ni kuli tushitu asasu a hashi.