Mateu 11:22 - MUKANDA USANDU WA ZAMBI 1975

²² Alioze ngunambe kuli yenu ngwami, Kumuchikapwa chashi hali Teru ni Sendone ha tangwa lia upatwilo, chikalu hali yenu.

Mukanda Wa Zambi 1970

²² Kashika, ngunanwambulwila ngwami, ha tangwa lia ubatwilo, lamba lienu mulikabwa likolo kuhiana lize lia akwa Tiru ni akwa Sidone!

Mateu 11:22 Iomraidhean Croise

Jeremia 25:22

Ni mianangana eswe a Teru ni mianangana eswe a Sendone, ni mianangana a ku mbaka mu sali lia kalunga-lwiji

Jeremia 27:3

Mba tuma liji kuli mwanangana wa Endome, ni mwanangana wa Moape, ni mwanangana wa ana ja Amone, ni mwanangana wa Teru, ni mwanangana wa Sendone ku moko ja tunganda two waze haneza kuli Zedekia mwanangana wa Yunda ku Yerusaleme.

Ezekiel 29:18

Mwana mutu, Nabukanezore mwanangana wa Babilonia wahondanganyishine tujita twenyi kulimika ni Teru. Mutwe mweswe walumukine wa lwole, ni chipaya cheswe chapwesukile; hindu chipwe iye chipwe tujita twenyi katambwile nichimwe ku Teru cha kufweta milimo yize alingile kulimika nayo.

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Mateu 10:15

Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mateu 11:24

Alioze ngunambe kuli yena ngwami, Kumuchikapwa chashi ha chifuchi cha Sondome ha tangwa lia upatwilo, chikalu hali yena.

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.

Luka 10:14

Alioze kumuchikapwa chashi ha Teru ni Sendone ha upatwilo, chikalu hali yenu.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

1 Yoano 4:17

Muno zango linapu lingunu ni yetu, hanga tukapwe ni hamu ha tangwa lia upatwilo; mumu ngwe chize apwa iye, chizechene ni yetu nawa twapwa hano hashi.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.

Usolwelo 20:12

Namwene afu, anene ni akepe, kanamana kulutwe lia ngunja; apakwile mikanda, mba apakwile mukanda ukwo, uze wa mwono: apatwilile afu ku yuma yize yasonewene mu mikanda, nikulita ni yitanga yo.