Mateu 11:21 - MUKANDA USANDU WA ZAMBI 1975

²¹ Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mukanda Wa Zambi 1970

²¹ Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 11:21 Iomraidhean Croise

Jobe 42:6

kashika ngunalilelesa, ngunalikonyeka mu fufuta ni uto.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Amose 1:9

Yehova kanambe ngwenyi, Mumu ha milonga yitatu ya Teru hanji yiwana, chichi kahilwisa kastigu, mumu akunjikile vungu lia muwundu ku Endome kewulukile usendo wa usoko.

Mateu 11:22

Alioze ngunambe kuli yenu ngwami, Kumuchikapwa chashi hali Teru ni Sendone ha tangwa lia upatwilo, chikalu hali yenu.

Mateu 15:21

Yesu wakatukile kuze, wayile kweka ku yihanda ya ku Teru ni Sendone.

Mateu 18:7

Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso.

Mateu 26:24

Mwe Mwana Mutu maya chamwenemwene, nikulita ngwe chinasonewa hali iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Marku 3:8

ni cha ku Yerusaleme, ni cha ku Indumeya, ni kuze kanda lia Yordau, ni waze a ku chifuchi cha kujingilika Teru ni Sendone, chizavu chinene ha kwivwa yuma yinene alingile, ejile kuli iye.

Marku 6:45

Haze hene washinjikile tumbaji twenyi anjile mu ulungu, amutetekele mu sali ku Mbeteseta, shimbu iye mwene machishika ni mbunga.

Marku 7:24

Iye wakatukile kuze, wayile ku manjiza ja Teru ni Sendone. Wanjilile mu zuwo, mumu kazangile niumwe kuchinyingika, hindu kahashile kuswama.

Marku 7:31

Cheka nawa wakatukile ku manjiza ja Teru ni Sendone, wahetele ku Chitende cha Ngalileya, ndusu mu manjiza ja Ndekapoli.

Marku 8:22

Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe.

Luka 4:26

alioze katumine Eliya kuli niumwe shina kuli Sarepeta, chihunda cha mu Sendone, kuli twamishi wa pwo.

Luka 6:17

Iye wapalumukine hamwe no, wamanyine homa ha Salama, ni mbunga yinene ya tumbaji twenyi, ni chizavu chinene cha atu a ku Yundeya mweswe ni a ku Yerusaleme, ni a ku mbaka ya Teru ni Sendone, eno ejile mukumwivwa, akaahindwise ku misongo yo;

Luka 9:10

Apostolo muze te hahiluka, amwambulwilile yuma yize yeswe alingile. Iye Waatwalile, wakatukile akaye ukawo ku puya ya ku limbo lize, jina lialio, Mbeteseta.

Yoano 1:44

Achi, Fwilipe wapwile wa ku Mbeteseta, lie limbo lia Andeleu ni Petulu.

Yoano 12:21

Wano kashika ejile kuli Fwilipe, yoze wa ku Mbeteseta, limbo lia mu Ngalileya, o amulembele ngwo, Mwane, tunazange kumona Yesu.

Yilinga 12:20

Achi, Heronde wevwile chikolo ufwatulo kuli A-Teru ni A-Sendone: o ejile kuli iye ni mbunge yimuwika, se hakununa Mbelastu kafufuchi ka mwanangana, echile uwanyino, mumu chifuchi cho achilishile ku chifuchi cha mwanangana.

Yilinga 27:3

Muze hikwacha twahetele ku Sendone: Juliu walwezele utu kuli Paulu wamutayijile kuya kuli tusendo twenyi, amuzumbule.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.