Mateu 11:20 - MUKANDA USANDU WA ZAMBI 1975

²⁰ Hohene waputukile kwámbila membo kuze alingile yipupu yenyi yinji, mumu kalikonyekeneko.

Mukanda Wa Zambi 1970

²⁰ Mba Yesu yabutuka kukumika membo muze alingile yipupu yenyi yinji, mumu atu jamo kaalumukine ko ku mbunge.

Mateu 11:20 Iomraidhean Croise

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Mateu 12:41

Ha upatwilo akwa Ninive kumakakatuka hamwe ni chisemuko chino, o makachihisa: mumu alikonyekene ha kwambujola cha Yona; mba, umwe Wahiana Yona kuno kwali.

Marku 16:14

Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka.

Marku 9:19

Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami.

Yilinga 17:20

Mumu unaneha yimwe yuma yakututungumwisa: tunazange kashika kunyingika chize yino yuma muyilumbunuka.

2 Korintu 12:21

Kuchina cheka nawa muze mungwiza, Zambi yami mangulelesa kumeso jenu, mungunenganyana hali anji a kuli waze hanavulumuna kunyima, ngwe kalikonyekeneko ha luchisa ni utanji ni upangala uze alingile.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.

Usolwelo 16:11

O ashililikile Zambi wa mwilu mumu ha yikola yo ni yilonda yo, hindu kalikonyekeneko ha yitanga yo.

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.

Usolwelo 2:21

Namuhele shimbu, hanga alikonyeke; iye kasolo kulikonyeka ha utanji wenyi.