Mateu 11:2 - MUKANDA USANDU WA ZAMBI 1975

² Achi, muze Yoano evwile mu zuwo lia ususu yitanga ya Kristu, watumine tumbaji twenyi,

Mukanda Wa Zambi 1970

² Yoano Chipapachisa, tu mu zuwo lia lamba, yevwa hakutwala ku yitanga ya Kristu. Mba yamutumina amwe tumbaji twenyi.

Mateu 11:2 Iomraidhean Croise

Mateu 1:17

Kashika yisemuko yeswe, chize kuli Apalahama ndo kuli David kumi lia yisemuko ni yisemuko yiwana; ni chize kuli David ndo ku mwaka wa kwatutulwila ku Babilonia kumi lia yisemuko ni yisemuko yiwana; ni chize ku mwaka wa kwatutulwila ku Babilonia ndo kuli Kristu kumi lia yisemuko ni yisemuko yiwana.

Mateu 14:3

Mumu te Heronde wakwachile Yoano kulu, wamukashile, wamusele mu zuwo lia ususu, mumu hali Herondeya, pwo lia mwanakwo Fwilipe.

Mateu 4:12

Achi, muze Yesu evwile ngwo, Hasa Yoano mu zuwo lia ususu, wakatukile aye ku Ngalileya.

Mateu 9:14

Hohene tumbaji twa Yoano yeza kuli iye, ngwo, Kuchi te yetu ni A-Fwariseu twakulitwamina kulia kanji, alioze tumbaji twe keshi kulitwamina kulia?

Marku 6:17

Mumu Heronde te watumine kulu, wakwachile Yoano, wamukashile mu zuwo lia ususu, mumu hali Herondeya, pwo lia mwanakwo Fwilipe; mumu te hamumbata.

Luka 3:19

Alioze nguvulu Heronde, se hamukanjisa kuli Yoano, ha kutwala kuli Herondeya pwo lia mwanakwo Fwilipe, ha kutwala ku yuma ya ungulungulu yize yeswe Heronde walingile kulu,

Luka 9:7

Achi, nguvulu Heronde wevwile ha yuma yize yeswe alingile, iye wakakashanyine chikolo, mumu achambile kuli amwe ngwo, Yoano hanahinduka hakachi ka afu;

Yoano 4:1

Kashika muze Mwene anyingikine ngwe A-Fwariseu hanevu ngwo, Yesu kanapu nikutayisa nikupapachisa tumbaji anji kuhiana Yoano.