Mateu 11:14 - MUKANDA USANDU WA ZAMBI 1975

¹⁴ Nyi kachi munupala kuchitambula, iye mwe Eliya yoze meza.

Mukanda Wa Zambi 1970

¹⁴ Nyi nunazange, tayizenu chikuma chino ngwami, Yoano mwe Eliya, yoze ambulwile ngwo: ‘Makeza.’

Mateu 11:14 Iomraidhean Croise

Ezekiel 2:5

Chipwe mevwa, chipwe kasolo kwivwa (mumu kapwa munyachi wa yihulia) makanyingika profeta hwali hakachi ko.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 11:13

Mumu mikanda ya aprofeta ni ya shimbi yeswe yaprofetezele ndo kuli Yoano.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Yoano 16:12

Yami nguchili ni yuma yinji ya kwamba kuli yenu, alioze kunwahashile kuyivwa haliapwila.

1 Korintu 3:2

Nanunwishine yamwa, hi kulia ko, mumu kunwahashile kuchitambula, chipwe haliapwila kanda nuchihasa kuchitambula, ka.

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.