Mateu 10:7 - MUKANDA USANDU WA ZAMBI 1975

⁷ Shimbu munuya, ambujolenu ngwenu, Wanangana wa malilu hiwakundama.

Mukanda Wa Zambi 1970

⁷ Yeenu ni kwambujola ngwenu: ‘Wanangana wa mwilu hiwakundama!’

Mateu 10:7 Iomraidhean Croise

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Mateu 10:8

Wukenu mieji, hindwisenu afu, pemesenu akwa mbumba, tuhwisenu andemoniu; hinunatambula wana, hanenu wana.

Mateu 11:1

Muze te Yesu hamanununa kuhana shimbi kuli tumbaji twenyi kumi ni aali, wakatukile kuze mukulongesa nikwambujola mu membo jo.

Mateu 21:31

Hakachi ka wano aali iya walingile upale wa tato? O ngwo, Mutangu. Yesu ngwenyi, Pundu ngwami, Akwa kufwetesa lijimu ni yikoi kumakanutetekela kunjila mu wanangana wa Zambi.

Mateu 21:43

Kashika ngwami, Kumakachiza wanangana wa Zambi kuli yenu, makauhana ku vungu limwe lia waze mema mihuko yawo.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Marku 6:12

O atuhukile, ambujolele ngwo, Atu alikonyeke.

Luka 16:16

Shimbi ni aprofeta apwile ndo kuli Yoano; chize ku mwaka uze, kanambulula sango lipema lia wanangana wa Zambi, ni mweswe kananjilamo ni tachi.

Luka 9:2

Waatumine mukwambujola wanangana wa Zambi, ni kuhindwisa mieji.

Luka 9:6

O akatukile, apalikile ndusu mu yihunda, nikwambujola sango lipema, nikuwuka kweswe.

Luka 9:60

Alioze Yesu wambile kuli iye ngwenyi, Afu afunde afu jo; alioze yako yena, ukambujole wanangana wa Zambi.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yilinga 10:25

Muze Petulu anjilile mu zuwo, Koneliu wamupatwijile, wafulamanyine ku molu jenyi, wamuwayilile.

Yilinga 28:31

Ambujolele wanangana wa Zambi, nikulongesa yuma ya kutwala kuli Mwene Yesu Kristu ni hamu lieswe, kukwapwile chikwiko nichimwe.

Yilinga 4:2

nikupihilila chikolo mumu te alongesele atu, ambujolele muli Yesu Uhindukilo hakachi ka afu.