Mateu 10:6 - MUKANDA USANDU WA ZAMBI 1975

⁶ alioze yenu Shinaho kuli mapanga a kutoka a ku zuwo lia Izalele.

Mukanda Wa Zambi 1970

⁶ Shinoho yeenu kuli mapanga akutoka a kuli Aisraele.

Mateu 10:6 Iomraidhean Croise

Miaso (Masamu) 119:176

Hingunapiasuka ngwe panga yoze wa-jimbala. Ungufupe kama yami kavumbi ke, mumu chishi kuvulama shimbi je.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:6

Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 34:4

Kunwakolesele akwa upekepeke, kunwawukile akwa kuyiza; kunwajichikile muya yilema; kunwahilwishile akwa kujimbata; kunwafupile waze anatoko; hinwaayula ni tachi ni uswi.

Ezekiel 34:6

Mapanga jami amwanganyine; endanganyine ha milundu yeswe, ni ha mundundena weswe usuku. Mapanga jami amwanganyine hashi heswe; kukushi yoze mahengula hanji kwafupa.

Ezekiel 34:8

Mwene Yehova kanambe ngwenyi, Ni mwono wami, se mapanga jami hanalumuka a kupunda kuli akwo, mapanga jami hanalumuka kulia cha tushitu eswe asasu, se kukwapwile kafunga, ni tufu ga twami kafupile mapanga jami, alioze tufunga alilishile ene, kalishile mapanga,

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:11

Mumu mwe Mwana Mutu haneza mukulamwina yoze watokele.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.