Mateu 10:5 - MUKANDA USANDU WA ZAMBI 1975

⁵ Wano kumi ni aali Yesu waatumine, waahele koki ngwenyi, Kanda nukaya mu jila ya akwa mavungu, kanda nunjila mu limbo lia A-Samaria:

Mukanda Wa Zambi 1970

⁵ Yesu yatuma tunganda kumi ni aali ni Shimbi jino ngwenyi: “Kanda nuya mu yifuchi ya waze hi Ayuda ko, kanda nunjila mu membo ja Asamaria.

Mateu 10:5 Iomraidhean Croise

Mateu 22:3

mba watumine ndungo jenyi mukutambika waze aalakenyene ku ulungi: no katayile kwiza.

Mateu 4:15

Chifuchi cha Zapulone ni chifuchi cha Napatali, Jila ya Chitende kuze kanda lia Yordau, Ngalileya ya akwa mavungu,

Marku 6:7

Yatambika kuli iye kumi ni aali, waputukile kwatuma aali ni aali; nikwaaha chiyulo helu lia maspiritu a luchisa;

Luka 10:1

Achi, kulutwe ha yino yuma, Mwene watongwele makumi shimbiali akwo, waatumine aali ni aali kulutwe ha meso jenyi ku membo eswe ni kweswe himaya mwene.

Luka 10:33

Alioze umwe Ka-Samaria, shimbu maya mu wenyi, wahetele kuli iye: muze amumwene, wevwile keke,

Luka 17:16

iye wafulamanyine ku yiliato yenyi nikumusakwila, neye Ka-Samaria.

Luka 9:1

Iye wakungulwile kumi ni aali, waahele tachi ni chiyulo helu lia andemoniu eswe, ni cha kuwuka misongo.

Luka 9:2

Waatumine mukwambujola wanangana wa Zambi, ni kuhindwisa mieji.

Yoano 17:18

Chizechene ngwe yena wangutumine hano hashi, chocho yami nawa hingunaatumu hashi.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yoano 4:20

Tulamba twetu awayilile mu mulundu uno; ni yenu nwakwamba ngwenu, Muma mwakuwayilamo mu Yerusaleme.

Yoano 4:5

Kashika yaheta ku limbo lia mu Samaria, jina lialio Saika, kwakusulangana ni munda uze ahanyine Yakomba kuli mwanenyi José.

Yoano 4:9

Pwo Ka-Samaria kashika yamba kuli iye ngwenyi, Ngwe kuchi yena, uli Ka-Yunda, unechi meya kuli yami, nguli pwo Ka-Samaria? (Mumu A-Yunda keshi kuliendela nichimwe ni A-Samaria).

Yoano 7:35

A-Yunda kashika aliambile umwe kuli mukwo ni mukwo ngwo, Kulihi yono maya mba kutuchi kamuwana? Maya kuli waze anamwangashana hakachi ka A-Ngresia, makalongesa A-Ngresia, nyi?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 10:45

Akwa kufuliela a ku ungalami, alishikishilile, waze eswe ejile hamwe ni Petulu, mumu hali akwa mavungu nawa chawana cha Spiritu Musandu chazukukile.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.