Mateu 10:36 - MUKANDA USANDU WA ZAMBI 1975

³⁶ akwa kole ja mutu kumakapwa akwa zuwo lienyi.

Mukanda Wa Zambi 1970

³⁶ Akwa kole ja mutu maakabwa akwa zuwo lienyi mwene.

Mateu 10:36 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Miaso (Masamu) 55:13

Alioze yena mwene, mutu mulietu, sepa liami kanda kasendo kami.

Izaya 19:2

Munguvundula A-Engitu akalimike ni A-Engitu, kumakasa jita, mutu mweswe ni usoko wenyi ni mutu mweswe ni mwenyembo wenyi. Chihunda muchikalimika ni chihunda, akwa wanangana umwe malimika ni akwa wanangana ukwo.

Jeremia 12:6

Mumu chipwe ayayenu ni munyachi wa tatenu, chipwe o halinga ni yena ni mafwefwe, kanakuhange ni kukolojoka. Chipwe mahanjika ni yena maliji apema kanda uafuliela.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Mika 7:6

Mumu mwana wa lunga kakulelesa tato, ni mwana wa pwo kakukatukila naye; tembwa-mwanenyi malimika ni tato-pwo. Akwa kole ja mutu e akwa usoko wenyi.

Mateu 10:21

Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Yoano 13:8

Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

1 Samuel 17:28

Yayo wa mukulwana Eliape wevwile muze ahanjikile ni malunga. Eliape yatenuka ni David ngwenyi, Yika unakaula ku kuno? Neya wahichika tumapanga tuze mu puya? Ngunanyingika kulengumuka che ni kuhuka cha mbunge ye. Hiweza ukamone ye jita lume.