Mateu 10:32 - MUKANDA USANDU WA ZAMBI 1975

³² Mweswawo kashika mangutayiza kumeso ja atu, yami nawa kumungukamutayiza kumeso ja Tata yoze uli mu malilu.

Mukanda Wa Zambi 1970

³² “Yoze mangutayiza ku meso ja atu, ni yami nawa mungumutayiza ku meso ja Tata wa mwilu.

Mateu 10:32 Iomraidhean Croise

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

2 Timoteu 1:8

Kashika kanda ukevwa sonyi ha Shindakenyo ya Mwene wetu, chipwe hali yami funge yenyi: alioze nyongonona ni utunu ndusu mu yipi hamwe ni sango lipema, nikulita ni tachi ja Zambi;

1 Yoano 4:15

Mweswawo matayiza ngwo, Yesu iye mwe Mwana Zambi, Zambi matwama muli iye, iye matwama muli Zambi.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.