Mateu 10:30 - MUKANDA USANDU WA ZAMBI 1975

³⁰ alioze chipwe je kambu ja ha mitwe yenu hanajalula jeswe.

Mukanda Wa Zambi 1970

³⁰ Alioze hakutwala kuli yenu, chibwe je kambu ja ku mitwe yenu hanajalula jeswe.

Mateu 10:30 Iomraidhean Croise

2 Samuel 14:11

Pwo yamba ngwenyi, Ngunaliumbu kuli yenu mwanangana, Iwulukenu Yehova Zambi yenu hanga mukwa kukala manyinga kanda ashiha nawa, kuchina mashiha mwanami. Iye yamba ngwenyi, Ni mwono wa Yehova, chipwe lukambu umuwika wa mwané kechi kaholoka hashi.

1 Yitanga Ya Mianangana 1:52

Solomone ngwenyi, Nyi masoloka mutu wamwenemwene chipwe lukambu wenyi umuwika kechi kuholoka hashi. Alioze nyi mawana ungulungulu muli iye kumafwa.

Luka 12:7

Alioze chipwe je kambu ja mitwe yenu hanajalula jeswe. Kanda nwivwa woma; yenu kunwahiana tulujila tunji.

Luka 21:18

Lukambu niumwe wa mitwe yenu kechi katoka.

Yilinga 27:34

Kashika ngunaliumbu kuli yenu, nulie: hanga nukahinduke: mumu lukambu niumwe kechi katoka ku mutwe wa niumwe wa yenu.

1 Samuel 14:45

Atu yamba kuli Saulu ngwo, Te Jonatas mafwa nyi? Iye halamwina Izalele Chichize? Hi chocho ko. Ni mwono wa Yehova, chipwe lukambu umuwika wa ha mutwe wenyi kechi kaholoka hashi mumu hanalingi hamuwika ni Zambi tangwa lia musono. Chocho atu apulwile Jonatas, kafwile.