Mateu 10:27 - MUKANDA USANDU WA ZAMBI 1975

²⁷ Chize ngunambe kuli yenu mu milima, hanjikenu ha mwalwa; chize nunevu mu twitwi, ambujolenu ha mafulumba ja mazuwo.

Mukanda Wa Zambi 1970

²⁷ Chize ngunanwambulwila mu milima, chambujolenu mu pangu. Chize nunevu ku tenga, Chambululenu ha mafulumba ja mazuwo.

Mateu 10:27 Iomraidhean Croise

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Mateu 24:17

yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Luka 12:3

Kashika cheswacho nwambile mu milima kumakachivwa mu mwalwa; ni chize nwahanjikile mu matwi mu yipatulo ya muchima kumakachiambujola ha mafulumba ja mazuwo.

Luka 8:10

Iye wambile ngwenyi, Hananwehecho kunyingika yijimbikilo ya wanangana wa Zambi, alioze kuli akwo yinapu ni yishima; hanga nikutala, kechi kamona, nikwivwa, kechi kanyingika.

Yoano 16:1

Yino yuma hinahanjika kuli yenu, hanga kunuchi kutalinga;

Yoano 16:13

Alioze muze iye, mwe Spiritu ya umwenemwene heza, makanusongwela mu umwenemwene weswe; mumu kechi kahanjika cha kuli iye mwene; alioze cheswacho mevwa, chenacho makachihanjika: iye makanwambulwila yuma yize muyizaho.

Yoano 16:25

Yino yuma hinahanjika kuli yenu ni yishima, alioze mwaka muwiza muze chichi kahanjika nawa kuli yenu ni yishima, alioze mungukanwambulwila pundu ha kutwala kuli mwe Tata.

Yoano 16:29

Tumbaji twenyi yamba kuli iye ngwo, Tala, haliapwila unahanjika pundu, kwahanjikile ni chishima.

Yilinga 17:17

Kashika wahanjikile mu sunangonga kuli A-Yunda ni akwa kuwayila, ni mu yitanda tangwa ha tangwa kuli waze apwileko.

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

2 Korintu 3:12

Kashika se kutalatala ngwe chino tuli nacho, twakuhanjika ni hamu linji.