Mateu 10:23 - MUKANDA USANDU WA ZAMBI 1975

²³ Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Mukanda Wa Zambi 1970

²³ Muze maakanuhungumiona mu limbo limwe, chinyinenu ku likwo. Chamwenemwene ngunanwambulwila ngwami, kunuchi kamanununa kwendangana mu membo eswe a Israele ndoo mwe Mwana Mutu makeza.

Mateu 10:23 Iomraidhean Croise

Jeremia 26:21

Muze mwanangana Jehoakime ni tujita twenyi eswe ni alemu jenyi eswe evwile maliji jenyi mwanangana wafupile kumushiha. Alioze Uriya yachivwa, yevwa woma, yomboka, yachinyina ku Engitu.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Mateu 23:34

Kashika mungutuma kuli yenu aprofeta ni akwa mana, ni akwa kusonyeka: amwe a kuli ayo munukaashiha nikwahachila ha kulusu; ni akwo a kuli ayo munukaalamba ni shikote mu masunangonga jenu, nikwahungumiona katu ku limbo ndo ku limbo,

Mateu 23:36

Pundu ngunambe kuli yenu ngwami, Yino yuma yeswe kumuyikeza ha chisemuko chino.

Mateu 24:27

Mumu ngwe mihenyo muyituhuka ku Chivumbuko, muyihenya ku Chitokelo; chocho muchikapwa kuheta cha mwe Mwana Mutu.

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Mateu 24:34

Pundu ngwami, Chisemuko chino kuchichi kahwa ndo yino yuma yeswe muyikamanunuka.

Mateu 24:48

Alioze kachi yoze ndungo mupi mamba mu mbunge ngwenyi, Mwene wami kanashimbula;

Mateu 25:13

Lenu kashika, mumu kunwanyingikine tangwa, chipwe ola.

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Mateu 4:12

Achi, muze Yesu evwile ngwo, Hasa Yoano mu zuwo lia ususu, wakatukile aye ku Ngalileya.

Marku 13:26

Hohene makamona mwe Mwana Mutu kaneza mu malelwa hamwe ni tachi jinene ni uhenya.

Luka 18:8

Ngunambe kuli yenu ngwami, Kumakaakala nikawashi. Alioze muze mwe Mwana Mutu meza, makawana Ufulielo hano hashi, nyi?

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.

Yoano 7:1

Kulutwe lia yino yuma, Yesu wendele mu Ngalileya; mumu kazangile kwenda mu Yundeya, mumu A-Yunda afupile kumushiha.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:14

Hohene mandumbu atumine Paulu mu jila ya kuya ku kalunga-lwiji: ni Saila ni Timoteu asalileko.

Yilinga 20:1

Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.