Mateu 10:22 - MUKANDA USANDU WA ZAMBI 1975

²² Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mukanda Wa Zambi 1970

²² Atu eswe maakanuvutwokela mumu ha jina liami. Alioze yoze makanyongonona ndoo ku songo kumakamulamwina.

Mateu 10:22 Iomraidhean Croise

Yishima 29:27

Mukwa uhenge kapwa chizelwokeso kuli mukwa ululi; yoze walulama mu ndako jenyi kapwa chizelwokeso kuli chingulungulu.

Mateu 10:39

Yoze mawana mwono wenyi kumakautokesa; yoze matokesa mwono wenyi mumu hali yami, kumakauwana.

Mateu 24:13

Alioze mweswe manyongonona ndo ku songo, kumakamulamwina.

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Mateu 5:11

Kunwawaha muze manuchoka, ni muze manuhungumiona, ni muze manulamikiza ungulungulu, mumu hali yami.

Marku 13:13

Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.

Luka 21:17

Kumakanuvwila kole kuli eswe mumu ha jina liami.

Luka 21:19

Mu uhumikizo wenu nukazuke mwono wenu.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Yoano 17:14

Hingunahe liji lie; hi akwa hashi Kanaavwila kole, mumu o hi akwa hashi ko, chizechene ngwe yami hi nguli mukwa hashi ko.

Yoano 7:7

Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

Yilinga 9:16

mumu mungukamulweza lamba lize linji chamutamba kwivwa mumu ha jina liami.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

2 Korintu 4:11

Mumu shimbu tuli ni mwono, kakutukunjika ku kufwa matangwa eswe mumu hali Yesu, hanga nwono nawa wa Yesu ukasoloke mu musunya wetu wa kufwa.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Hebreu 6:11

Tunazange ni mbunge yeswe mweswe wa kuli yenu akalweze kulipupwisa chimuwika, akasele chinyingi liakulu cha kutalatala ndo ku songo:

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

1 Yoano 3:13

Kanda nukomoka, mandumbu, kachi akwa hashi manuvwila kole.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.

Usolwelo 2:26

Yoze makumba, ni yoze mafunga yitanga yami ndo ku songo, mungukamwaha chiyulo hali mavungu.

Usolwelo 2:3

ni chize wakunyongonona, ni chize wevwile lamba mumu ha jina liami, ni chize kwevwile yikatalo.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.