Mateu 10:21 - MUKANDA USANDU WA ZAMBI 1975

²¹ Alioze mukulwana makakunjika mwanakwo ku kufwa, ni tato makunjika mwanenyi: ni ana makakatukila yisemi jo akaashihe.

Mukanda Wa Zambi 1970

²¹ “Asongo ni mutu maakalikunjika ku kufwa. Atata maakalingila nawa ana jo chizechene. Ana maakakatukila yisemi jo ni kwashiha.

Mateu 10:21 Iomraidhean Croise

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

Jobe 19:19

Masepa jami a ha muchima kakunguvwila lwaji; waze nazangile hanalumuka kulimika ni yami.

Miaso (Masamu) 50:20

Watwama nikuhanjika cha kulimika ni yoze wasemuka nenyi; wakulamikiza mwana wa noko yoze wakusemene.

Izaya 19:2

Munguvundula A-Engitu akalimike ni A-Engitu, kumakasa jita, mutu mweswe ni usoko wenyi ni mutu mweswe ni mwenyembo wenyi. Chihunda muchikalimika ni chihunda, akwa wanangana umwe malimika ni akwa wanangana ukwo.

Zakaria 13:3

Mba nyi umwe masoloka nawa ngwenyi, Yami profeta, tato ni naye waze amusemene, makamba kuli iye ngwo, Kuchi kutwama ni mwono, mumu unahanjika mahuza mu jina lia Yehova. Mba tato ni naye waze amusemene makamutuwa ndusu muze maprofeteza.

Mateu 24:10

Hohene anji makatalinga, makalikunjika umwe kuli mukwo, makalivwila kole umwe ni mukwo.