Mateu 10:19 - MUKANDA USANDU WA ZAMBI 1975

¹⁹ Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Mukanda Wa Zambi 1970

¹⁹ Muze maakanukunjika kuli ngaji, kanda nukalibikala hakutwala ku chize munukamba hanji ngwe kuchi munukahasa kuchamba. Maliji waze munukahanjika makanwaho ha shimbu lizeliene.

Mateu 10:19 Iomraidhean Croise

Kutuhuka 4:12

Kashika haliapwila yako; mungukapwa ni kanwa lie; mungukakulongesa chize muhanjika.

Kutuhuka 4:15

Hanjika nenyi yena ukase maliji mu kanwa lienyi. Yami mu ngukapwa hamwe ni kanwa lie ni hamwe n kanwa lienyi. Mungukakulongesa chize yena, mukalinga.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Mateu 6:31

Kanda nulipikala kashika, ngwenu, Chika mutulia? Hanji, Chika mutunwa? Hanji, Chika mutuzala?

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Luka 12:11

Muze manuneha kumeso ja masunangonga ni mianangana ni akwa kuyula, kanda nulipikala ha chize numukumbulula, hanji chize munukamba:

Luka 12:12

mumu Spiritu Musandu kumanulongesa ha ola yize yene chize Chanutamba kwamba.

Yilinga 6:10

O kahashile kulimika ni mana ni Spiritu yoze wahanjikile nenyi.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.