Mateu 10:18 - MUKANDA USANDU WA ZAMBI 1975

¹⁸ No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mukanda Wa Zambi 1970

¹⁸ Maakanukunjika ku meso ja akwa lutwe ni mianangana mumu hali yami, ha kwashindakenya Sango Jibema ni waze hi Ayuda ko.

Mateu 10:18 Iomraidhean Croise

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Mateu 10:19

Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

2 Timoteu 1:8

Kashika kanda ukevwa sonyi ha Shindakenyo ya Mwene wetu, chipwe hali yami funge yenyi: alioze nyongonona ni utunu ndusu mu yipi hamwe ni sango lipema, nikulita ni tachi ja Zambi;

Usolwelo 1:9

Yami Yoano, ndumbwenu ni mukwa kulianyina-ni-mukwenu ha luyinda ni wanangana ni uhumikizo wa Yesu, napwile mu tungu lize ngwo, Patemu, mumu ha liji lia Zambi ni mumu ha Shindakenyo ya Yesu.

Usolwelo 11:7

Muze hamanununa Shindakenyo yo, ngongo yoze matuhuka mu jondo makasa jita no, makaakumba, makaashiha.

Usolwelo 6:9

Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo.