Mateu 10:16 - MUKANDA USANDU WA ZAMBI 1975

¹⁶ Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Mukanda Wa Zambi 1970

¹⁶ “Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.

Mateu 10:16 Iomraidhean Croise

Ubutukilo 3:1

Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Ubutukilo 3:13

Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga.

Nehemia 4:13

Kashika nasele muze mwakuluka kunyima lia chipanga-cha-mawe mu yituwa, ngwami, nasele e atu nikulita ni yisemuko yo, kanakwata tutana, ni makunga, ni mata a manana.

Jeremia 40:16

Alioze Gedalia mwana Ahikame yamba kuli Johanane mwana Karea ngwenyi, Kuchi kulinga chuma chino mumu Ishemali unamulamikiza.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Mateu 24:25

Ivwenu, hinanwambulwila Shimbu-kanda.

Mateu 24:45

Iya kevwe ndungo wamwenemwene, wa kukanyama, yoze mwene wenyi hamwaha chiyulo cha akwa zuwo lienyi, mukuhana kuli ayo kulia ha mwaka wacho?

Mateu 25:2

Atano a kuli ayo apwile yikanyame, ni atano apwile yihepuke.

Mateu 25:4

alioze yikanyame ambachile maji mu tusaji two hamwe ni ndeya jo.

Mateu 25:9

Alioze yikanyame akumbulwile ngwo, Hi chocho ko, kuchina hanji kechi kaheta hali yetu ni yenu: yénu Shinaho kuli waze akulanjisa, nukalilanjile yenwene.

Luka 10:3

Yénu kwenu; ngunanutumu ngwe ana-mapanga hakachi ka tungunga.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yilinga 20:29

Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 11:14

Achi kuchatushimine, mumu chipwe Satana kakulihipula ngwe mungelo wa pangu.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

2 Korintu 8:20

Kuchina umwe matusuma chitela ha kutwala ku kuvungumiona chino tunachilingi;

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

Kolosu 4:5

Endenu ni mana kuli waze ali haze, nikukuta mwaka.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.

1 Tesalonika 5:22

Súlenu ku milali yeswe ya ungulungulu.