Mateu 10:15 - MUKANDA USANDU WA ZAMBI 1975

¹⁵ Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mukanda Wa Zambi 1970

¹⁵ Chamwenemwene ngunanwambulwila ngwami, ha tangwa lia ubatwilo, lamba linji mulikabwa ha limbo lize kuhiana lize lia Sodome ni Gomora!”

Mateu 10:15 Iomraidhean Croise

Mateu 12:36

Alioze ngunambe kuli yenu ngwami, Liji lieswe liamokomoko lize atu mamba, kumakalilumbununa ha tangwa lia upatwilo.

Mateu 5:18

Mumu pundu, ngunambe kuli yenu ngwami, Ndo lilu ni hashi muyihwa, toshi limuwika hanji toma yimuwika kuyichi kahwa nichimwe ku shimbi ndo yeswe muyiza kupwa.

Mateu 7:22

Anji kumakamba kuli yami ha tangwa lize ngwo, Mwene, Mwene, kutwaprofetezele ni jina lie, nyi? Ni jina lie kutwatuhwishile andemoniu, nyi? Ni jina lie kutwalingile yipupu yinji, nyi?

Marku 6:11

Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Yoano 12:48

Yoze malituna yami, keshi Kutambula maliji jami, kali ni yoze mamupatwila: liji lize nahanjikile, lienalio kumulikamupatwila ha tangwa lia kusula.

Yoano 6:39

Uno we upale wa Tata yoze wangutumine, hanga a kuli waze eswe hanangwehe chichi katokesa niumwe, alioze ngukamuhindwise ha tangwa lia kusula.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

1 Korintu 3:13

kumakasolola chitanga cha mutu ni mutu mumu lie tangwa mulikachilweza, mumu makachisolola ni kahia; kahia kumukakeseka chitanga cha mutu ni mutu chize muchipwa.

1 Tesalonika 5:4

Alioze yenu, mandumbu, kunushi mu milima, tangwa lize likanuwane ngwe mwiji.

Hebreu 10:25

Kanda twehuka kulikungulula cha yetwene, ngwe ndako ya amwe, aiioze nikulishinjila, ni kuhiana chikolo shimbu munumona lie tangwa linakundama.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

1 Yoano 4:17

Muno zango linapu lingunu ni yetu, hanga tukapwe ni hamu ha tangwa lia upatwilo; mumu ngwe chize apwa iye, chizechene ni yetu nawa twapwa hano hashi.

Yuda 1:6

Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.