Mateu 10:1 - MUKANDA USANDU WA ZAMBI 1975

¹ Watambikile kuli iye tumbaji twenyi kumi ni aali, waahele chiyulo helu lia maspiritu a luchisa, hanga akaatuhwise, ni hanga akawuke misongo yeswe ni weji weswe.

Mukanda Wa Zambi 1970

¹ Yesu yatambika tumbaji twenyi kumi ni aali, yaaha chiyulo cha kutuhwisa nacho mwiku wa luchisa ni kuwuka milali yeswe ya misongo ni weji.

Mateu 10:1 Iomraidhean Croise

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Mateu 26:20

Muze hapwile chingoloshi, watwamine ku mesa hamwe ni kumi ni aali.

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Mateu 9:38

Liumbenu kashika kuli Mwenya kucha, hanga atume akwa milimo aye ku kucha chenyi.

Luka 10:19

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Luka 24:49

Nyingikenu, mungutuma chilakenyo cha Tata hali yenu: alioze twamenu mu limbo ndo manujika ni tachi ja mwilu.

Luka 6:13

Muze hapwile mwalwa, watambikile tumbaji twenyi; iye watongwele hakachi ko kumi ni aali, eno nawa waalukile jina ngwenyi, Apostolo.

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

Yoano 6:70

Yesu waakumbulwile ngwenyi, Chanutongwele, yenu kumi ni aali, nyi? Mba umwe wa kuli yenu iye ndiapu umwe.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 19:15

Alioze Spiritu mupi waakumbulwile, ngwenyi, Yesu ngunamunyingika, hingunevu hali Paulu; alioze yenu aya?

Usolwelo 12:1

Chilayi chinene chamonekene mwilu: pwo kanazala tangwa, ni kakweji kushi lia yiliato yenyi, ni ha mutwe wenyi chipangula cha kumi lia matongonoshi ni matongonoshi aali.