Mateu 1:20 - MUKANDA USANDU WA ZAMBI 1975

²⁰ Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mukanda Wa Zambi 1970

²⁰ Shimbu lize achinyongene, kuma kanganda ka mwilu yamusolokela mu chilota. Yamwamba ngwenyi: “Josefe, wa ku vungu lia David, kanda wivwa woma ha kumbata mukwenu pwo Maria, mumu chize chinaseseka muli iye chili cha Mwiku wa Linanga.

Mateu 1:20 Iomraidhean Croise

Ubutukilo 31:11

Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

1 Yitanga Ya Mianangana 17:13

Eliya yamba kuli iye ngwenyi, Kanda wivwa woma, yako ulinge chocho, alioze Uliange kungulingila kambolo unguneheneko mba kulutwe mulingila mwané ni yena.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Miaso (Masamu) 119:125

Yami nguli kavumbi ke, ungwehe kama mana, hanga ngukanyingike Shindakenyo je.

Miaso (Masamu) 143:8

Nguvwise utu wa zango lie ha chimene, mumu muli yena ngunafuliela. Ngunyingikise jila yize changutamba kwendamo, mumu nakuhetula mbunge yami kuli yena.

Miaso (Masamu) 94:19

Hakachi ka kulumbama cha manyonga jami muchima, kulembejeka che changuwahisa.

Yishima 12:5

Manyonga a akwa ululi kakululama; alioze yiyulo ya yingulungulu kuyakwonga.

Izaya 26:3

Yoze majikijisa manyonga jenyi hali yena, mumufunga mu uhwimino wika, mumu kanakufuliela.

Izaya 30:21

Muze munukondoloka hanji ku chindume, hanji ku chimeso, matwi jenu nawa mevwa liji kunyima yenu lia kwamba ngwo, Ye jila, yino; endelemo.

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Izaya 7:13

Aye yamba ngwenyi, Nyi chocho, panjika ena mwana David. Chalela kuli yena kukatalisa atu, kashika mukatalisa Zambi yami nawa?

Izaya 7:2

Muze mukwa munyachi wa David hevwa ngwo, A-Seria halikata ni A-Eframe, mbunge yenyi ni mbunge ja atu jenyi jachikimine ngwe mitondo ya mu yambu yakutukunga ni fuji.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Jeremia 40:9

Gedalia mwana Ahikame mwana Shafane yalishinga kuli ayo ni kuli atu jo ngwenyi, Kanda nwivwa woma kulingila A-Kaletea. Twamenu mu chifuchi chenu, nukalingile mwanangana wa Babilonia, mba munutwama kanawa.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Mateu 2:12

No se Zambi haatoweza mu chilota kanda ahilukila kuli Heronde akatukile mukuya ku chifuchi cho ku jila yeka.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Mateu 2:19

Alioze muze te Heronde hafwa, kumanyi, mungelo wa Mwene yasoloka kuli José mu chilota mu Engitu, ngwenyi,

Mateu 2:22

Alioze muze evwile ngwo, Arkelau kanayulu mu Yundeya kusalakana tato Heronde; wevwile woma kuyako, alioze se Zambi hamutoweza mu chilota, wayile kweka ku yihanda ya ku Ngalileya;

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Mateu 28:5

Mungelo wakumbulwile, wambile kuli mapwo ngwenyi, Kanda nwivwa woma; mumu ngunanyingika nunafupu Yesu, yoze anakamuhachila ha kulusu.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 2:4

José nawa wakatukile ku Ngalileya, ku limbo lia Nazare, wakandukile ku Yundeya, ku limbo lia David, jina lialio, Mbeteleme, mumu iye mukwa zuwo ni mukwa jimo lia David:

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

Usolwelo 19:7

Tuwahililenu, tulikwizenu, tumuchichimiekenu; mumu umbachiso wa mwe Mwana-panga hiweza, ni mukwo-pwo hanalilulika.

Akwa Kuyula 13:3

Mungelo wa Yehova yasoloka kuli mwe pwo, yamba kuli iye ngwenyi, Uli mumba; ana kushi no, alioze kumukapwa ni ufumba, kumukasema mwana wa lunga.