Mateu 1:12 - MUKANDA USANDU WA ZAMBI 1975

¹² Kulutwe lia kwatutulwila ku Babilonia, Jekonia wasemene Salatiele; Salatiele wasemene Zorobabele;

Mukanda Wa Zambi 1970

^12-16 Chize ku mwaka uze atwalile Aisraele ku Babilone ndoo ku kusemuka cha Kristu, tushakulu kaali wano: Jehoakine, ni Shealtiele, ni Zerubabele, ni Abihude, ni Eliakime, ni Azore, ni Zadoke, ni Akime, ni Ehude, ni Eleazare, ni Matana, ni Yakoba, ni Josefe, lunga lia Maria, naye ya Yesu, yoze akuvuluka ngwo, Kristu.

Mateu 1:12 Iomraidhean Croise

1 MIANANGANA 24:14

Yambata atu eswe a mu Yerusaleme, ni alemu eswe, ni akwa tachi ni hamu eswe, kumi lia tununu a funge, ni yilangaji ni fuli. Niumwe wasalile shina yiswale wika a mu chifuchi.

1 MIANANGANA 25:27

Ha mwaka makumi atatu ni wamuchishimbiali wa ufunge wa Jehoachine mwanangana wa Yunda, ni ha kakweji kumi ni wamuchiali, ni ha tangwa makumi aali ni liamuchishimbiali lia kakweji, mwe Evile-Merodake mwanangana wa Babilonia, ha mwaka yaputuka kuyula, wachijile Jehoachine mwanangana wa Yunda mu zuwo lia ususu.

1 Sango Ja Mianangana 3:17

Ana ja mwe funge Jekonia a malunga wano: mwanenyi Salatiele,

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Ezra 5:2

Mba Zorobabele mwana Salatiele ni Yeshua mwana Jozadake yakatuka, yaputuka kutunga zuwo lia Zambi lize lili mu Yerusaleme; ni aprofeta a Zambi apwile hamwe no nikwakwasa.

Nehemia 12:1

Asasendote ni A-Levi ayile ni Zorobabele mwana Salatiele, ni Yeshua: Seraia, ni Jeremia, ni Ezera;

Jeremia 22:24

Yehova kanambe ngwenyi, Ni mwono wami ngwami, Chipwe Konia mwana Jehoakime mwanangana wa Yunda wapwa kazeya wa ha kwoko liami lia chindume, hindu mungunuchizaho

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Jeremia 22:30

Yehova kanambe ngwenyi, Soneka lunga yono ngwe keshi mwana; lunga umwe kechi kawaha ha matangwa jenyi. Mumu niumwe wa ana jenyi makawaha nikutwama ha ngunja ya David, nikuyula nawa mu Yunda.

Jeremia 27:20

yize Nabukanezore mwanangana wa Babilonia kachijile muze wachijile ku Yerusaleme Jekonia mwana Jehoakime mwanangana wa Yunda hamwe ni alemu eswe ja mu Yunda ni Yerusaleme nikwatwala ku unjize mu Babilonia, ngwenyi,

Hagai 1:1

Ha mwaka wamuchiali wa mwanangana Dariu, ha kakweji wamuchisambano ni tangwa litangu lia kakweji liji lia Yehova liejile mu kanwa lia profeta Hagaia kuli Zorobabele mwana Salatiele nguvulu wa Yunda, ni kuli sasendote mukwa lutwe Yoshua mwana Jehozadake ngwenyi,

Hagai 1:12

Henaho Zorobabele mwana Salatiele, ni Yoshua mwana Jehozadake mwe sasendote mukwa lutwe, ni masalila eswe ja atu ononokene ku liji lia Yehova Zambi yo, ni maliji ja profeta Hagaia, chize Yehova Zambi yo hamutuma; mba e atu evwilile woma Yehova.

Hagai 1:14

Mba Yehova yashinjila Spiritu ya Zorobabele mwana Salatiele, nguvulu wa Yunda, ni Spiritu ya sasendote mukwa lutwe Yoshua mwana Jehozadake, ni Spiritu ya masalila eswe ja atu. Yeza; yahondangana milimo ku zuwo lia Yehova-wa-Tujita, Zambi yo,

Hagai 2:2

Amba haliapwila kuli Zorobabele mwana Salatiele, nguvulu wa Yunda, ni kuli mwe sasendote mukwa lutwe Yoshua mwana Jehozadake ni ku masalila eswe ja atu ngwe,

Hagai 2:23

Yehova-wa-Tujita kanambe ngwenyi, Ha tangwa lize mungukutambula yena Zorobabele kavumbi kami mwana Salatiele; mungukupwisa kazeya kami ka jina, mumu hinakutongola. Chocho kanambe Yehova-wa-Tujita.

Mateu 1:11

Josia wasemene Jekonia ni ana-akwo, ha mwaka wa kwatutulwila ku Babilonia.

Mateu 1:13

Zorobabele wasemene Ambiute; Ambiute wasemene Eliakimi; Eliakimi wasemene Azore;

Mateu 1:17

Kashika yisemuko yeswe, chize kuli Apalahama ndo kuli David kumi lia yisemuko ni yisemuko yiwana; ni chize kuli David ndo ku mwaka wa kwatutulwila ku Babilonia kumi lia yisemuko ni yisemuko yiwana; ni chize ku mwaka wa kwatutulwila ku Babilonia ndo kuli Kristu kumi lia yisemuko ni yisemuko yiwana.

Luka 3:27

mwana Yoanane, mwana Resa, mwana Zorobabele, mwana Salatiele, mwana Neri,